Amelyor nou abiblite pour prese​—Tous leker bann dimoun avek sa liv “Reste dan lanmour Bondye”

AKOZ I ENPORTAN: Dimoun i bezwen konn bann standar Zeova e aplik sa bann standar dan zot lavi pour ki zot kapab ador li dan en fason ki akseptab. (Iza 2:3, 4) Sa liv “Lanmour Bondye,” sa dezyenm liv ki nou servi pour fer letid, i ed bann etidyan pour vwar konman bann prensip Labib i relye avek lavi toulezour. (Ebr 5:14) Nou bezwen esey tous zot leker pour ki zot ava annan sa bon motivasyon pour fer bann sanzman dan zot lavi.​—Ro 6:17.

KI MANNYER POUR FER LI:

• Prepar byen e gard antet bezwen ou etidyan. Demann bann kestyon ki pou fer li donn son pwennvi, konmsa ou pou kapab konn son panse ek santiman lo sa ki zot pe diskite.​—Pr 20:5; be 259

• Servi bann bwat dan sa liv pour ed ou etidyan vwar lenportans pour aplik bann prensip Labib

• Ed ou etidyan pour rezonn lo bann keksoz ki annan pour fer avek konsyans me pa fer desizyon pour li.​—Ga 6:5

• Avek bon zizman, vwar si ou etidyan i bezwen led pour aplik serten prensip Labib. Zantiman ankouraz li pour fer bann sanzman baze lo son lanmour pour Zeova.​—Pr 27:11; Zan 14:31