Bann referans pour Kaye renyon Nou minister ek lavi Kretyen
18-24 FEVRIYE
Rod bann perl spirityel
w17.06-E 3
Eski ou rapel?
Ki diferans i annan ant “mazin bann move dezir” ek “mazin bann keksoz ki annan pour fer avek lespri sen”? (Rom. 8:6)
Sa dimoun ki mazin bann move dezir i zis konsantre e swiv son prop dezir, i toultan koz lo bann keksoz ki annan pour fer avek lekor enparfe e donn laglwar sa bann keksoz. En dimoun ki pe mazin bann keksoz ki annan pour fer avek lespri sen i konsantre lo bann keksoz ki annan pour fer avek Bondye ek son fason panse. Sa Kretyen i les li ganny gide par lespri sen Bondye. Mazin bann move dezir i vedir lanmor e mazin bann keksoz ki annan pour fer avek lespri sen i vedir lavi ek lape.—w16.12, paz 11-14.
25 FEVRIYE–3 MARS
Rod bann perl spirityel
it-1-E 1260 ¶2
Zalou, Zalouzi
Devouman ki pa apropriye. En dimoun i kapab senser dan son devouman oubyen zalou pour son krwayans me pourtan i pe fer sa ki mal e ki pa fer plezir Bondye. Koumsanmenm ki en kantite Zwif ti ete dan premye syek. Dapre zot, pour vin drwat devan Bondye ti depan lo si zot swiv Lalwa Moiz. Me Pol ti montre ki zot devouman pour Bondye pa ti dapre konnesans egzakt. I pour sa rezon ki zot pa ti kapab vin drwat devan Bondye. Zot ti devret konpran ki zot ti pe fer sa ki mal e tourn ver Bondye atraver Kris pour zot kapab vin drwat devan Bondye e ganny libere avek kondannasyon Lalwa. (Ro 10:1-10) Sol sorti Tars ti en dimoun koumsa, i ti telman annan en gran devouman pour larelizyon Zwif ki i ti “persekit kongregasyon Bondye en kantite e esey detri li.” I ti fer sir ki i ti pe “fer tou sa ki lalwa i dir.” (Ga 1:13, 14; Fil 3:6) Pourtan son zalouzi oubyen devouman pour larelizyon Zwif pa ti apropriye. Vi ki Sol ti annan en leker senser, Zeova ti demontre labonte ekstraordiner anver li atraver Kris e diriz li ver vre ladorasyon.—1Ti 1:12, 13.