“Tou dimoun lo later ti koz en sel langaz”

11:1-4, 6-9

Zeova ti konfiz langaz bann dimoun dezobeisan Babel e fer zot disperse. Ozordi, Zeova pe rasanble en gran lafoul sorti dan tou nasyon ek langaz e i pe fer zot koz “en langaz pir” pour ki zot “kriy lo non Zeova” e “servi li zepol kont zepol.” (Zef 3:9, NWT; Re 7:9) Sa “langaz pir” i laverite lo Zeova ek son plan parey Labib i dir.

Pour en dimoun aprann en nouvo langaz, i pa pou zis aprann bann nouvo mo par ker me i bezwen aprann en nouvo fason panse ek en nouvo fason pour form fraz. Pareyman, ler nou aprann sa langaz pir, setadir laverite, nou sanz nou fason panse. (Ro 12:2) Sa i en keksoz ki nou bezwen kontinyen fer pour ki i annan linite parmi pep Bondye.​—1Ko 1:10.