Servi sa liv Viv ere pour touzour! pour batir lafwa lezot dan Zeova ek Zezi

Pour fer plezir Bondye, bann etidyan Labib i bezwen devlop en lafwa for. (Ebr 11:6) Nou kapab ed zot fer sa an servan sa liv Viv ere pour touzour! Dan sa liv i annan bann verse Labib enportan, bann rezonnman kler, bann kestyon efikas, bann video pour motiv zot ek bann zoli portre. Ler nou ed bann etidyan devlop en relasyon avek Bondye ek bann kalite ki fer Bondye plezir, nou pe ed zot devlop en lafwa for pour zot kapab fer fas avek difikilte.​—1Ko 3:12-15.

Serten dimoun i vwar li difisil pour vin zanmi avek Bondye akoz zot pa kapab vwar li. Alor nou bezwen ed zot pour batir zot lafwa dan Zeova e pour annan konfyans dan li.

GET SA VIDEO BATIR LAFWA LEZOT DAN ZEOVA AN SERVAN SA LIV “VIV ERE POUR TOUZOUR!” APRE REPONN SA BANN KESTYON SWIVAN:

• Ki mannyer nou konnen sa ser ti’n byen prepare pour fer sa letid?

• Ki mannyer i ti servi lezot kestyon pour ed sa etidyan eksprim son panse ek santiman lo Izai 41:10, 13?

• Ki lefe sa video ek sa de verse Labib ti annan lo sa etidyan?

Bokou dimoun pa konpran ki savedir ranson, ouswa zot pa vwar li konman en kado personnel ki Bondye in donn zot. (Ga 2:20) Alor, nou bezwen ed zot devlop lafwa dan sakrifis ranson Zezi.

GET SA VIDEO BATIR LAFWA LEZOT DAN ZEZI AN SERVAN SA LIV “VIV ERE POUR TOUZOUR!” APRE REPONN SA BANN KESTYON SWIVAN:

• Ki mannyer nou konnen sa frer ti’n byen prepare pour fer sa letid?

• Ki mannyer sa frer ti servi lenformasyon dan seksyon “Fer plis resers” pour montre sa etidyan ki sa size i aplik pour li?

• Akoz lapriyer i enportan pour sa etidyan?