Ki mannyer pour servi sa liv Viv ere pour touzour! pour fer letid Labib?

Avan ou fer letid

1. 

   1. Prepar byen. Anmezir ki ou prepare, mazin sa ki ou etidyan i bezwen, son sirkonstans ek son krwayans. Reflesir lo okenn keksoz ki kapab difisil pour li konpran oubyen aplike. Vwar ki mannyer sa bann lenformasyon dan seksyon “Fer plis resers” i kapab ed ou etidyan e servi sa bann lenformasyon kan i neseser ler ou pe fer letid.

Ler ou pe fer letid

1. 2. Si ou etidyan i dakor, konmans e fini avek en lapriyer.

2. 

   3. Pa koz tro bokou. Konsantre lo bann lenformasyon ki dan sa liv e les sa etidyan eksprim li.

3. 4. Ler ou pe konmans en nouvo parti dan sa liv, lir sa fraz ki koz lo sa pwen enportan e koz lo serten tit dan sa leson.

4. 5. Ler ou fini en parti, servi parti revizyon pour ed ou etidyan mazin bann laverite ki i’n aprann.

5. 6. Anmezir ou etidye sak leson avek ou etidyan:

   1. Lir sa paragraf.

   2. Lir tou bann verse Labib ki’n ganny demande pour “Lir.”

   3. Lir bann lezot verse si i neseser.

   4. 

      Zwe tou bann video ki’n ganny demande pour “Zwe” (si i disponib).

   5. Demann sa etidyan sak kestyon.

   6. Demann ou etidyan pour get bann portre dan seksyon “Al pli o profon” e demann li pour koz lo la.

   7. Servi sa bwat “Lobzektif” pour ed ou etidyan swiv son bann progre spirityel. Ou kapab ankouraz li pour servi sa lobzektif ki’n ganny donnen, pour li met lezot lobzektif ouswa pour li servi tou le de.

   8. Demann ou etidyan si i’n apresye enn parmi sa bann lartik oubyen bann video dan seksyon “Fer plis resers” ler i ti pe prepar son leson.

   9. Esey fini en leson dan en sesyon.

Apre ki ou’n fini fer en letid

1. 

   7. Kontinyen mazin ou etidyan. Priye pour Zeova beni progre ou etidyan e pour donn ou lasazes pour ou konnen ki mannyer ou pou ed li.