Ki mannyer ou kapab fer fas avek lenzistis?

Lir Zenez 37:23-28; 39:17-23 pour vwar ki mannyer Zozef ti fer fas avek lenzistis.

Analiz konteks. Akoz bann dimoun ti tret Zozef dan en fason enzis? (Zen. 37:3-11; 39:1, 6-10) Ki kantite letan Zozef ti bezwen fer fas avek lenzistis? (Zen. 37:2; 41:46) Pandan sa letan, ki Zeova ti fer pour Zozef e ki Zeova pa ti fer?—Zen. 39:2, 21; w23.01 17 ¶13.

Rod plis detay. Labib pa dir ki Zozef ti defann son lekor kont bann fo lakizasyon ki madanm Potifar ti fer. Ki mannyer sa bann verse swivan i kapab ed nou pour reflesir lo akoz petet Zozef ti swazir pour pa dir nanryen oubyen akoz nou pa devret ekspekte ki nou ganny tou detay? (Prov. 20:2; Zan 21:25; Akt 21:37) Ki bann kalite ki Zozef ti annan ki petet ti ed li pour fer fas avek lenzistis?—Mik. 7:7; Lik 14:11; Zak 1:2, 3.

Ki ou’n aprann? Demann ou lekor:

• ‘Konman en disip Zezi, ki lenzistis mon ekspekte rankontre?’ (Lik 21:12, 16, 17; Ebr. 10:33, 34)

• ‘Ki mannyer mon kapab prepar mwan pour fer fas avek lenzistis?’ (Ps. 62:7, 8; 105:17-19; w19.07 2-7)