Etidye avek sa lobzektif pour partaz sa ki ou aprann avek lezot

Ler nou etidye Labib, nou ganny lankourazman. Me nou kapab ganny plis lankourazman ler nou koz avek lezot lo bann keksoz ki nou’n aprann ki’n fer nou vin pli pros avek Zeova. Proverb 11:25 (not.) i dir: ‘Sa enn ki ankouraz lezot pou osi ganny ankouraze.’

Ler nou koz avek lezot lo sa ki nou aprann, sa i kapab fer li pli fasil pour nou rapel bann pwen e osi ed nou konpran pli byen. Vi ki sa bann pwen i kapab osi ed lezot, nou zwaye ler nou partaz sa bann perl avek zot.—Akt 20:35.

Esey fer sa: Dan sa prosenn semenn ki pe vini, rod loportinite pour partaz sa ki ou’n aprann avek lezot. Ou kapab fer sa avek en manm fanmir, en dimoun dan kongregasyon, en koleg travay, en kanmarad lekol, en vwazen oubyen en dimoun ki ou zwenn dan predikasyon.

Gard antet: Partaz sa ki ou aprann avek lezot pour ankouraz zot e pa pour enpresyonn zot.—1 Kor. 8:1.