4 Pardonnen

KI I VEDIR

Pardonnen i vedir les pase en keksoz mal ek okenn rankin. Pardonnen pa vedir ou devret fer krwar ki nanryen pa’n arive.

PRENSIP LABIB: “Kontinyen siport kanmarad e pardonn kanmarad volonterman menm si en dimoun i annan rezon pour konplent akoz en lot.”​—Kolosyen 3:13.

“Ler ou kontan en dimoun ou pa pou konsantre lo son defo, o kontrer ou devret vwar ki i pe esey travay lo son defo pour li amelyore.”​—Aaron.

AKOZ I ENPORTAN

Si ou gard rankin, ou pa an bonn sante fizikman e emosyonnelman. An plis, sa i kapab kas ou maryaz.

“En fwa mon msye ti demann leskiz pour en keksoz ki ti’n bles mwan. I ti difisil pour mwan pardonn li me avek letan, mon ti kapab fer li. Mon regrete ki mon pa’n fer li pli boner akoz sa ti anmenn problenm dan nou relasyon.”​—Julia.

SA KI OU KAPAB FER

REFLESIR

Laprosenn fwa ou konzwen i dir oubyen fer en keksoz ki bles ou, demann ou lekor:

• ‘Eski mon tro sansib?’

• ‘Eski sa lofans i sitan serye ki i bezwen demann mwan leskiz oubyen mon kapab zis bliye?’

KOZ AVEK OU KONZWEN

• Ki kantite letan i pran pour pardonn kanmarad?

• Ki nou kapab fer pour pardonn kanmarad pli vitman?

SIZESYON

• Ler ou ganny ofanse, pa mazinen ki ou konzwen in fer par ekspre.

• Esey pardonn li e mazinen ki “nou tou nou souvan fer fot.”​—Zak 3:2.

“I fasil pour pardonnen ler nou tou lede nou mal, me i pli difisil ler i lafot en dimoun. Nou bezwen annan limilite pour demann leskiz.”​—Kimberly.

PRENSIP LABIB: “Pa tarde pour rezourd problenm.”​—Matye 5:25.