Leson 12

Annan Respe pour Lavi ek Disan

Konman nou devret konsider lavi? (1) lavortman? (1)

Konman en Kretyen i montre ki i fer atansyon lo kestyon sekirite? (2)

Eski i mal pour touy bann zannimo? (3)

Ki bann kalite pratik ki montre en mank respe pour lavi? (4)

Ki lalwa Bondye lo disan? (5)

Eski sa i enkli osi bann transfizyon disan? (6)

1. Zeova i Sours lavi. Tou sa ki vivan i dwa son lavi avek Bondye. (Psonm 36:9) Pour Bondye, lavi i sakre. Menm lavi en pti baba dan vant son manman i presye pour Zeova. Touy en pti baba volonterman dan vant son manman i mal dan lizye Bondye.—Egzod 21:22, 23; Psonm 127:3.

2. Bann vre Kretyen i fer atansyon lo bann kestyon sekirite. Zot verifye ki zot loto ek zot lakaz pa prezant okenn risk. (Deterononm 22:8) Bann serviter Bondye pa pou pran bann risk initil avek zot lavi, senpleman pour plezir oubyen sansasyon. Se pour kwa zot pa pran par dan bann sport ki annan lentansyon pour fer dimal lezot. Zot evit bann divertisman ki ankouraz vyolans.—Psonm 11:5; Zan 13:35.

3. Lavi zannimo i osi sakre pour nou Kreater. En Kretyen i kapab touy zannimo pour manze e pour labiyman, oubyen pour protez li kont danze ek maladi. (Zenez 3:21; 9:3; Egzod 21:28) I mal pour maltret zannimo oubyen touy zot konman en sport oubyen pour plezir.—Proverb 12:10.

4. Fimen, sik betel e servi drog pour plezir pa konvenab pour en Kretyen. Sa bann keksoz i move akoz (1) zot fer dimoun vin zot lesklav, (2) zot abim nou lekor, e (3) zot bann keksoz sal. (Romen 6:19; 12:1; 2 Korentyen 7:1) I kapab difisil pour abandonn sa bann labitid. Me nou bezwen fer li pour fer plezir Zeova.

5. Disan osi i sakre dan lizye Bondye. Bondye i dir ki nanm oubyen lavi i dan disan. Donk, i mal pour manz disan. I mal osi si nou manz zannimo ki nou pa’n tir son disan. En zannimo ki’n mor toufe oubyen mor dan en latrap, fodre pa ki nou manze. Si nou oule manz sa ki’n ganny touye avek fles oubyen avek fizi, fodre nou fer li sennyen deswit.—Zenez 9:3, 4; Levitik 17:13, 14; Akt 15:28, 29.

6. Eski i mal pour aksepte en transfizyon disan? Pa bliye ki Bondye pa oule nou pran disan. Savedir ki dan okenn ka, nou pa kapab met disan en lot dimoun dan nou lekor, oubyen menm nou prop disan apre ki nou’n stok li. (Akt 21:25) Donk, bann vre Kretyen pa pou aksepte en transfizyon disan. Zot pou aksepte lezot tretman medikal, tel parey bann prodwi ki napa disan. Zot oule viv, me zot pa pou esey sov zot lavi an dezobeisan lalwa Bondye.—Matye 16:25.

[Portre lo paz 25]

Pour fer plezir Bondye, nou bezwen rezet transfizyon disan, move labitid e bann risk initil