KESTYON 10

Ki mannyer Labib i kapab ed mwan?

AKOZ I ENPORTAN

Labib i dir ki “tou Lekritir i enspire par Bondye.” (2 Timote 3:16) Si sa i vre, alor Labib i kapab donn ou sa gidans ki ou bezwen.

KI OU TI POU FER?

Imazin sa senaryo: David pe al dan en landrwa kot i pa’n zanmen ale oparavan. Ler i pe get lakaz, semen, i pa konn ditou kot i ete. I paret ki David in perdi, i’n bezwen mank semen.

Si ou ti David, ki ou ti pou fer?

ARETE E REFLESIR!

Ou annan diferan opsyon:

Demann direksyon avek en dimoun.
Servi en map.
Kontinyen marse avek lespwar ki ou pou ariv lo ou destinasyon.

I kler ki Opsyon C pa fer sans.

Opsyon B i annan en gran lavantaz lo Opsyon A. Apre tou, ou kapab servi ou map tou dilon semen ziska ki ou ariv kot ou destinasyon.

Labib i kapab ed ou dan sa menm fason!

Sa liv ki’n ganny plis distribye i kapab

gid ou dan ou lavi toulezour
ed ou pour konn ou lekor pli byen e vin en pli bon dimoun
ed ou pour viv en pli bon lavi

LAREPONS BANN KESTYON ENPORTAN DAN LAVI

Depi ki nou konmans koze, nou demann bann kestyon.

Akoz lesyel i ble?
Avek kwa zetwal in ganny fer?

Pli tar nou konmans demann kestyon lo sa ki pe arive otour nou.

Akoz bann move keksoz i arive?
Akoz dimoun i mor?

Me si larepons li menm in touzour la dan Labib?

En kantite dimoun i dir ki Labib i ranpli avek bann zistwar ek lezann, ki Labib pa azour ouswa ki i tro difisil pour konpran. Me eski problenm i avek Labib ouswa avek sa ki dimoun i krwar zot konnen lo Labib? Eski i kapab ki zot in mal ganny enformen?

Par egzanp, dimoun i krwar ki Labib i dir ki Bondye ki pe kontrol sa lemonn. Me ki mannyer sa i kapab posib? Sa lemonn i dan boulvers. I ranpli avek douler ek soufrans, maladi ek lanmor, lapovrete ek dezas. Ki mannyer en Bondye lanmour i kapab responsab pour tou sa bann keksoz?

Eski ou ti pou kontan konn larepons? Lekel ki pe kontrol lemonn? Sa ki Labib i dir i kapab sirprann ou!

Petet ou’n remarke ki sa bann konsey ki dan sa liv i baze lo Labib. Temwen Zeova i konvenki ki dan Labib i annan bann bon konsey ki diny konfyans. Sa i akoz Labib i “enspire par Bondye e i itil pour ansennyen, pour koriz lerer, pour redrese.” (2 Timote 3:16, 17) I pou byen si ou pran en pe letan pour ou egzamin Labib ki menm si i vye i ankor azour.