PWEN 1

En bon lentrodiksyon

Akt 17:22

KI OU BEZWEN FER: Ou lentrodiksyon i devret fer lodyans anvi ekoute. Dir zot lo ki size ou pe al koze e montre zot akoz zot devret enterese avek sa size.

KI MANNYER POUR FER LI:

Fer dimoun anvi ekoute. Swazir en kestyon, en fraz, en leksperyans oubyen en keksoz dan nouvel ki pou enteres ou lodyans.

Byen reflesir davans lo sa ki enteres oubyen trakas lodyans e adapte ou lentrodiksyon.
Dir dimoun lo ki size ou pe al koze. Fer sir ki dimoun i konpran lo ki size ou pe al koze e ki bi ou prezantasyon.
Montre zot akoz sa size i enportan. Adapte sa ki ou dir avek bann ki ekout ou. Zot devret byen konpran ki mannyer sa topik i kapab ed zot personnelman.

Ler ou pe prepar en diskour, demann ou lekor, ‘Ki sityasyon mon bann frer ek ser dan kongregasyon pe fer fas avek?’ Esey adapte ou lentrodiksyon dapre zot sityasyon.