PWEN 12

Koz avek santiman ek konpasyon

1 Tesalonisyen 2:7, 8

KI OU BEZWEN FER: Koz avek senserite, montre ou lodyans ki ou kontan zot e anvi ed zot.

Mazin ou lodyans. Prepar ou leker par mazin bann problenm ki ou lodyans pe fer fas avek. Esey mazinen ki mannyer zot santi.
Swazir byen bann mo ki ou pou servi. Esey ankouraz, rekonfort e redonn lafors ou lodyans. Esey pa dir bann keksoz ki kapab ofans zot, pa bezwen kritik bann ki pa Temwen oubyen mank respe pour bann lansennyman ki zot senserman krwar ladan.
Montre lentere dan ou lodyans. Montre ou lodyans ki ou vreman enterese avek zot, koz avek en lavwa dous e fer bann zes apropriye. Vey byen lekspresyon lo ou figir e fer en pti sourir tanzantan.

Ler ou pe eksprim ou santiman, pa fer li dan en fason forse oubyen egzazere. Ler ou pe lir, eksprim sa menm santiman ki dan sa pasaz me pa bezwen fer li dan en fason ki atir latansyon lo ou. Pa met tro bokou lanfaz lo serten let (konsonn) ki kapab donn lenpresyon ki ou koz brit e dir, esey koz dan en fason ki dous e kalm.