Ki Labib i dir?

Eski Labib i kapab ed ou pour fer fas avek traka?

Ki ou pou dir?

• Wi

• Non

• Petet

Ki Labib i dir

“Larg tou zot traka lo [Bondye] parski i enterese avek zot.” (1 Pyer 5:7) Labib i reasir nou ki Bondye i kapab rekonfort nou ler nou trakase.

Kwa ankor ki nou aprann dan Labib?

• Letan ou fer lapriyer, ou kapab ganny “lape Bondye” ki pou soulaz ou avek ou bann traka.​—Filipyen 4:6, 7.

• Deplis, ler ou lir Parol Bondye, ou pou kapab fer fas avek presyon lavi.​—Matye 11:28-30.

Eski en zour pou nepli annan traka?

Serten dimoun i krwar. . . ki traka ek presyon lavi i form parti lavi, tandis ki lezot i krwar ki nou pou nepli annan traka apre ki nou’n mor. Ki ou panse?

Ki Labib i dir

Bondye pou retir tou keksoz ki fer nou trakase. “I pou nepli annan ni lanmor, ni dey, ni leokri, ni douler ankor.”​—Revelasyon 21:4.

Kwa ankor ki nou aprann dan Labib?

• Anba Rwayonm Bondye, dimoun pou viv dan lape ek trankilite.​—Izai 32:18.

• Dimoun pou nepli trakase oubyen annan presyon lavi.​—Izai 65:17.