Ki Labib i dir?

Eski en zour i pou annan lape lo later?

Ki ou pou dir?

• Wi

• Non

• Petet

Ki Labib i dir

Ler Zezi pou dirize, “lape ava dire osi lontan ki lalin i briye.” Sa i vedir pour touzour.​—Psonm 72:7.

Kwa ankor ki nou aprann dan Labib?

• Bann move dimoun pou ganny tire lo later e bann bon dimoun pour “trouv bokou plezir dan labondans lape.”​—Psonm 37:10, 11, NWT.

• Bondye pou met en lafen avek tou bann lager.​—Psonm 46:8, 9.

Eski i posib pour annan vre lape lespri konmela?

Serten dimoun i krwar . . . ki osi lontan ki annan soufrans ek lenzistis dan sa lemonn, i pa posib pour annan vre lape lespri. Ki ou panse?

Ki Labib i dir

Menm konmela, bann dimoun ki annan en bon relasyon avek Bondye i kapab annan “lape Bondye ki depas tou sa ki nou kapab konpran.”​—Filipyen 4:6, 7.

Kwa ankor ki nou aprann dan Labib?

• Bondye in promet ki i pou tir soufrans ek lenzistis e “fer tou keksoz nef.”​—Revelasyon 21:4, 5.

• Nou kapab ganny lape lespri ler nou rekonnet ki nou “bezwen gidans Bondye.”​—Matye 5:3.