“Bann dimoun ki annan limilite pou reste lo later”

Laplipar nou in pas atraver lenzistis e vwar bann dimoun inosan soufer. Eski en zour lenzistis ek bann move keksoz pou disparet?

Psonm 37 i donn larepons ek konsey ki nou kapab swiv ozordi. Annou vwar larepons sa bann kestyon enportan.

• Ki mannyer nou devret reazir anver bann ki fer nou soufer?​—Verse 1, 2.

• Ki pou arive avek bann move dimoun?​—Verse 10.

• Ki lespwar i annan pour bann dimoun ki fer sa ki byen?​—Verse 11, 29, NWT.

• Ki nou devret fer la konmela?​—Verse 34, NWT.

Psonm 37 i montre ki bann ki ‘met zot konfyans dan Zeova e swiv son semen’ i annan en zoli lavenir. Temwen Zeova ti pou byen kontan ed ou etidye Labib e aprann ki mannyer ou ek ou fanmir i kapab annan en zoli lavenir.