Ou kapab swazir ou lavenir

Apepre 3,500 an pase, Zeova Bondye ti dir bann ki ador li ki zot devret fer pour annan en meyer lavenir: “Mon’n met lavi ek lanmor devan zot, benediksyon ek malediksyon e ou devret swazir lavi pour ki ou reste vivan, ou ek ou desandans.”​—Deterononm 30:19, NWT.

Pour annan en bon lavenir, sa bann dimoun ti bezwen fer sa bon swa. Nou annan sa menm swa ozordi. Labib i dir nou ki mannyer pour swazir en meyer lavenir: “Par kontan Zeova ou Bondye, par ekout son lavwa.”​—Deterononm 30:20, NWT.

KI MANNYER NOU KAPAB KONTAN ZEOVA E EKOUT SON LAVWA?

APRANN SA KI I ANNAN DAN LABIB: Pour kontan Zeova, premyerman ou bezwen aprann konsernan Li dan Labib. Anmezir ki ou fer sa, ou pou vwar ki i en Bondye lanmour ki anvi sa ki pli meyer pour ou. I envit ou pour priy avek Li “parski i enterese avek [ou].” (1 Pyer 5:7) Labib i promet ki si ou fer zefor pour apros avek Li, “i pou vin pros avek [ou].”​—Zak 4:8.

APLIK SA KI OU APRANN: Ekout Bondye i vedir swiv son konsey saz ki dan Labib. Anmezir ou fer sa, “ou pou reisi dan ou lavi e ou pou azir avek lasazes.”​—Zozye 1:8, NWT.