Etidye Profesi Danyel
1 Semenn le 17 Avril, nou pou konmans etidye liv Prêtons attention à la Prophétie de Daniel! dan Letid Liv Kongregasyon. Bokou in deza lir sa liv tre enteresan, me aprezan nou annan posibilite pour benefisye atraver en diskisyon an group, baze lo sa piblikasyon. Tou proklanmater, bann enterese, ensi ki bann zanfan i ganny envite e ankouraze, pour asiste sak semenn, sa letid profon lo liv Labib, Danyel.—Det. 31:12, 13.
2 Progranm ek Lenstriksyon pour Letid: Progranm an antye pour sa liv la Prophétie de Daniel i ganny trouve dan sa egzanpler Nou Minister Rwayonm. Fer sir ki ou kit en kopi atase avek ou liv letid. Sa progranm i montre sapit ek bann paragraf dan sa liv ensi ki bann verse dan Danyel, ki pou ganny diskite dan sesyon sak semenn. Bann not anba lo paz, i eksplike koman e kan serten size dan sa liv pou ganny konsidere. Pour konklir letid sak semenn, kondikter i ganny ankouraze pour revwar avek son group, bann verse spesifik dan Danyel ki’n ganny mete lo progranm pour sa semenn. Kan nou ganny ase letan, nou kapab lir sa bann verse e fer komanter lo la. Serten verse pou ganny egzaminen pour plizyer semenn, parski nou pou kontinyen konsider zot laplikasyon.
3 Prepare pour en Letid Byen Detaye: Zefor in ganny fer pour permet ase letan pour en diskisyon, san bezwen prese, lo porsyon sak semenn. I annan kat leson ki ase kourt. Alor, alafen letid pour semenn le 5 Zen, kondikter i kapab fer en revizyon lo Danyel 2:1-40. Pour semenn le 26 Zen, i kapab revwar Danyel 3:1-30. Semenn le 4 Septanm, i devret enkli en diskisyon byen detaye lo bann ilistrasyon ek teks biblik lo paz 139. Tablo lo paz 188 ek 189 i devret ganny egzaminen dan letid ki pou fer dan semenn le 2 Oktob.
4 Prepar byen pour letid sak semenn, e pran plezir pour partisipe. Apresye sa privilez ki ou’n gannyen pour asosye avek lorganizasyon vizib Zeova e pour benefisye avek disernman ek konpreansyon ki ganny fourni par bann Kretyen wen fidel. (Dan. 12:3, 4) Ankouraz lezot, byen zantiman, pour asiste letid liv regilyerman. Nou espere ki nou tou nou a port latansyon lo parol profetik Bondye parey i ganny revele dan liv Danyel, en liv tre enpresyonan.—Ebre 10:23-25; 2 Pyer 1:19.