Eski Ou Pres Avek Lardyes?
1 Menm si zot ti ganny arete e menase par bann ki ti opoz zot, Pyer ek Zan ti kontinyen deklar sa mesaz Rwayonm san okenn lafreyer. (Akt 4:17, 21, 31) Ki i vedir pour nou ozordi pour pres san okenn lafreyer?
2 Rann Temwannyaz avek Lardyes: En lot fason pour dekrir “lardyes” se kan en dimoun pa ganny “okenn lafreyer, i determinen pour pa per, i annan kouraz ek perseverans.” Pour bann vre Kretyen pres avek lardyes i vedir pour koze san okenn lafreyer, pour pres sa bon nouvel avek lezot dan nenport ki lokazyon apropriye. (Akt 4:20; 1 Pyer 3:15) I vedir ki nou pa kanmi pour koz lo sa bon nouvel. (Ps. 119:46; Rom. 1:16; 2 Tim. 1:8) Alor, lardyes i en kalite ki neseser pour akonpli nou latas pour pres sa bon nouvel Rwayonm pandan sa letan lafen. I pous nou pour pres sa bon nouvel avek dimoun dan nenport ki landrwa ki nou rankontre zot.—Akt 4:29; 1 Kor. 9:23.
3 Lardyes kot Lekol: Eski tandans pour per oubyen timid i fer li difisil pour pres avek ou kanmarad lekol? Parfwa i pa fasil, annefe, i kapab en vre leprev. Toutfwa, Zeova pou afermi ou si dan lapriyer ou demann li pour donn ou lardyes pour pres avek lezot. (Ps. 138:3) Lardyes pou ed ou pour idantifye ou menm konman enn bann Temwen Zeova. I pou permet ou pour reazir pozitivman letan lezot kanmarad i sikann ou. An konsekans, ou predikasyon kot lekol i kapab sov bann ki ekout ou.—1 Tim. 4:16.
4 Lardyes kot Travay: Eski ou ganny rekonnet konman enn bann Temwen Zeova kot travay? Kekfwa, ou kanmarad travay i kapab antann sa bon nouvel selman ler ki ou pres avek zot. Si ou annan lardyes sa pou ed ou pour ganny ou letan lib pour asiste bann renyon Kretyen ek bann lasanble trwa zour.
5 Montre Kouraz Kan Ou pe ganny Teste: I esansyel pour annan kouraz kan nou pe rankontre lopozisyon. (1 Tesa. 2:1, 2) I ed nou pour tenir ferm nou lafwa letan nou pe ganny menase, sikannen, e persekite. (Fili. 1:27, 28) I fortifye nou pour debout ferm kan nou anba presyon pour fer konpromi lo nou fidelite avek bann standar nou Bondye, Zeova. I afermi nou pour mentenir nou kalm letan lezot i provok diskisyon.—Rom. 12:18.
6 Menm si personnelman nou rankontre difikilte, fotespere ki nou persevere pour pres sa bon nouvel avek lardyes.—Efe. 6:18-20.