Lenpresyon Lo Sa Video La Bible: une force dans votre vie
Eksprim ou lenpresyon senser lo mesaz ki sa video i kontyen, par reponn sa bann kestyon swivan. (1a) Kwa ki’n donn plizyer milyon dimoun lafors pour sanz zot lavi pour le meyer? (Ebr. 4:12) (1b) Kwa ki neseser pour en dimoun kapab ganny akse avek sa pwisans e pour aplik li dan son lavi? (2) Pour bann ki’n marye, ki bann verse Labib ki’n ganny site pour ed zot (a) amelyor zot kominikasyon e (b) kontrol zot tanperaman? (3) Ki mannyer pwenn-vi Kretyen lo maryaz i sanz lavi fanmiy pour le meyer? (Efe. 5:28, 29) (4) Konman ki Zeova in demontre en legzanp parfe an sa ki konsern donn zanfan sa trwa keksoz ki zot tou zot anvi e bezwen, e ozordi konman ki paran i kapab fer parey? (Mark 1:9-11) (5) Akoz paran i devret personnelman ansenny zot zanfan Labib, e kwa ki montre sa lenportans pour fer li regilyerman? (Det. 6:6, 7) (6) Ki mannyer paran i kapab fer letid lafanmiy pli enteresan? (7) Apard ki letid Labib, ki lezot keksoz ki Parol Bondye i ankouraz paran pour fourni zot zanfan? (8) Konman ki konsey Labib i kapab ed bann fanmiy pour sirviv ekonomikman? (9) Ki bann prensip Biblik ki ede minimiz bann problenm lasante ler ou aplik zot? (10) Ki mannyer bann prensip dan Parol Bondye in fer en diferans dan ou lavi personnel? (11) Akoz ki get sa video i kapab ankouraz en dimoun ki ou’n rankontre dan predikasyon pour aksepte en letid Labib?