Nouvo video pour konmans letid Labib

En pti video lo jw.org ki annan pour tit Akfer etidye Labib? pe atir bokou dimoun. Sa video i ganny fer dan en fason pour pous bann dimoun ki montre lentere pour aksepte en letid Labib gratwit. Ou kapab ganny akse par klik lo sa tit “Letid Labib” anba lo paz lakey jw.org oubyen skàn sa kod ki’n ganny mete deryer nou bann nouvo trak. La serten fason ki ou kapab byen servi sa video.

• Kan pe fer en retourn vizit, dir sa met lakour: “Eski mon kapab montre ou en pti video ki eksplike ki mannyer ou kapab ganny larepons pour ou bann kestyon lo Labib?” Si i dakor, montre li sa video lo ou telefonn oubyen tablet oubyen lo son konpiter.

• Si nou donn enn parmi sa bann nouvo trak ler nou pe fer temwannyaz enformel oubyen piblik, montre sa kod e ankouraz sa dimoun pour skàn avek son telefonn oubyen tablet. Vi ki dan bokou langaz sa kod i anmenn ou direkteman lo sa video lo nou sit alor i kapab posib pour zwe sa video deswit lo ou telefonn oubyen tablet.

• Dir ou bann koleg travay, kanmarad lekol, fanmir e lezot ankor konsernan sa video e ofer pour montre zot. Oubyen ou kapab imel zot sa ladres pour al lo sa video e envit zot pour al gete.

Par byen servi sa bann nouvo provizyon, nou kapab konmans bokou letid Labib e spirityelman ed bann ki “annan sa bon kondisyon leker pour lavi eternel.”​—Akt 13:48, NW.