Jehovah’s Witnesses—Organized to Share the Good News
Pour plis ki 100-t-an, Temwen Zeova in organiz zot pour partaz sa bon nouvel. Nou pres sa mesaz dan plizyer santenn langaz e dan sa pli gran kanpanny ki lemonn in deza konnen. Nou partaz sa mesaz dan plis ki 230 pei. (Mat. 24:14) Akoz sa travay i neseser? Konman i pe ganny fer dan lemonn antye? Sa DVD Jehovah’s Witnesses—Organized to Share the Good News i reponn sa bann kestyon par donn nou plis detay lo bann diferan aktivite ki relye avek sa travay enternasyonal. Apre ki ou’n get sa DVD, reponn sa bann kestyon swivan.
Konman sa DVD in fer ou annan plis lapresyasyon pour (1) zefor ki lorganizasyon Zeova pe fer pour anons sa bon nouvel? (2 Tim. 4:2) (2) fanmir Betel dan lemonn antye? (3) sa formasyon pour bann misyonner ek sirveyan? (2 Tim. 2:2) (4) lenportans pour konmans lazournen sak zour par egzamin en verse Labib e pour prepar nou bann renyon kongregasyon sak semenn? (Akt 17:11) (5) bann byenfe ki nou gannyen ler nou asiste nou bann renyon Kretyen? (Ebr 10:24, 25) (6) bann benediksyon ki ou pou gannyen kan Paradi pou ganny reetabli lo later? (Iza. 11:9) (7) sa privilez ki ou annan pour partisip dan sa travay rekolt ki pe ganny fer?—Zan 4:35.
Leksperyans in montre ki sa DVD i en bon zouti pour fer bann dimoun ki annan lentere konn sa travay mondyal ki Temwen Zeova pe fer. (8) Ki sa pli bon moman pour montre sa DVD avek nou etidyan Labib, fanmir ek lezot dimoun? (9) Ki bon lefe sa DVD in annan lo nou bann etidyan?
Anmezir ki nou reflesir lo sa ki Zeova pe fer, nou devlop menm santiman parey sa psalmis ki ti dir: “Bokou keksoz ou menm ou’n fer, O Zeova mon Bondye, menm ou bann travay merveye e ou bann panse anver nou; personn pa kapab ganny konpare avek ou.” (Ps. 40:5) Annou servi byen sa DVD pour ed lezot devlop lapresyasyon pour Zeova ek son lorganizasyon!