Pli gran kanpanny predikasyon ki lemonn in deza konnen!

Pour plis ki 100-t-an, bann Temwen Zeova in ganny organize pour partaz sa bon nouvel. (1 Kor. 9:23) Dan sa pli gran kanpanny ki lemonn in deza konnen, nou pres sa mesaz dan plizyer santenn langaz. Nou partaz sa mesaz dan plis ki 230 pei. (Mat. 24:14) Me akoz i neseser fer sa travay? E konman i pe ganny fer dan lemonn antye?

Sa video Jehovah’s Witnesses—Organized to Share the Good News i reponn sa bann kestyon par fourni plis detay konsernan bann diferan aktivite enternasyonal ki nou fer. Anmezir ou get sa video, egzamin sa bann kestyon: (1) Ki mannyer nou bann aktivite i ganny organize e dirize? (2) Ki mannyer bann Departman, par egzanp ki ekrir bann lartik, Tradiksyon, Lar, ek Odyo/Video i kontribye pour anons sa bon nouvel? (3) Ki bi nou bann gran loperasyon lenprimri ek transportasyon piblikasyon? (Zan 17:3) (4) Ki kantite piblikasyon ki ganny enprimen dan en lannen? (5) Ki nou bann piblikasyon baze lo Labib in akonplir? (Ebr. 4:12) (6) Kwa ki pe ganny fer pour fourni led spirityel pour bann ki aveg oubyen sourd? (7) Ki mannyer nou travay i ganny finanse? (8) Ki mannyer nou benefisye avek travay Servis Lenformasyon Medikal, Departman Servis, ek Departman Lasanble? (9) Konman en Temwen Zeova, ki mannyer sa video in ogmant ou lapresyasyon pour (a) zefor ki lorganizasyon Zeova pe fer pour pres sa bon nouvel? (b) sa plis ki 100 lafanmir Betel partou dan lemonn? (c) sa formasyon pour bann sirveyan ek misyonner? (d) lenportans pour konmans sak zour par egzamin en teks Labib e pour prepar bann renyon kongregasyon sak semenn? (e) bann byenfe ki nou gannyen ler nou asiste renyon Kretyen? (f) sa ki paradi lo later pou vedir? (Iza. 11:9) (g) ou partisipasyon personnel dan sa travay rekolt?—Zan 4:35.

Ki reaksyon pozitif ou’n remarke ler ou’n montre sa video ou fanmir, zanmi, retourn vizit, ek letid Labib? Akoz ou pa montre sa video e partaz sa bon nouvel avek en lot dimoun byento?—Mat. 28:19, 20.