Amelyor nou abilite pour prese​—Servi video pour ansennyen

AKOZ I ENPORTAN:

Bann video i kapab tous nou leker akoz zot ansenny nou par servi nou sans tande ek nou sans pour vwar. I kapab kapte latansyon e nou pa pou oubliy fasilman sa ki nou’n aprann. Zeova in kit sa pli bon legzanp servi led vizyel pour ansennyen.​—Akt 10:9-16; Re 1:1.

Sa bann video Eski Bondye i annan en non?, Lekel Loter Labib? e Ki mannyer nou kapab asire ki sa ki Labib i dir i vre? i siport leson 2 ek 3 dan sa liv Bon Nouvel. Sa video Akfer etidye Labib?, Kwa ki pase pandan en letid Labib? e Kwa ki pase dan en Lasal Rwayonm? i ankouraz bann dimoun pour etidye Labib avek nou oubyen asiste renyon kongregasyon. Lezot video ki pli long osi i kapab ganny servi pour ansenny nou etidyan Labib.​—km 5/13 3.

KI MANNYER POUR FER LI:

• Download sa video ki ou anvi montre sa met lakour

• Prepar enn oubyen de kestyon ki larepons i trouve dan sa video

• Get sa video ansanm

• Diskit lo bann pwen prensipal

ESEY SA:

• Montre sa skàn kod ki lo dernyen paz sa trak ki kapab fer li vwar sa video Akfer etidye Labib?

• Montre sa video, Ki mannyer nou kapab asire ki sa ki Labib i dir i vre? e ofer sa liv Bon Nouvel, vwar bann pwen enportan dan leson 3