Servi Led vizyel pour ansenny lezot
1. Konman Zeova ti servi bann led vizyel pour ansenny son bann serviter dan lepase, e ki lefe sa ti fer lo zot?
1 Parfwa Zeova ti servi bann vizyon ek bann rev pour transmet lenformasyon enportan avek son bann serviter dan lepase. Mazin vizyon Ezekyel konsernan kales Zeova dan lesyel. (Ezek. 1:1-28) Imazinen ki mannyer Danyel ti santi apre ki i ti’n ganny sa vizyon profetik ki ti dekrir bann pouvwar mondyal ki ti pou vini. (Dan. 7:1-15, 28) Me ki ou pou dir lo sa bann siny ki zapot Zan ti gannyen konsernan bann keksoz ki ti pou arive pandan “Zour Senyer”? (Rev. 1:1, 10) Zeova ti ansenny zot par servi bokou kouler ek aksyon, e sa ti reste grave dan zot lespri.
2. Ki led vizyel nou kapab servi pour ansenny lezot laverite sorti dan Labib?
2 Si nou anvi eksplik lezot laverite sorti dan Labib dan en fason ki zot pa pou oubliy vitman, nou kapab servi bann video pour ansenny zot. Nou bann video i kouver en kantite topik e i fer nou met nou konfyans dan Labib, dan lorganizasyon Zeova, e dan bann prensip ki pou amelyor nou lavi Kretyen. Annou vwar detrwa fason nou kapab servi bann video pour ansenny lezot. La detrwa video ki kapab ganny servi.
3. Ki ou kapab servi pour diriz en etidyan ver lorganizasyon?
3 Dan Predikasyon: Eski ou’n deza koz avek en etidyan lo nou lasosyasyon frer ek ser dan lemonn antye? Montre li sa video Toute la communauté de nos frères. Ou kapab pret li avan prosenn letid oubyen get ansanm avek li pandan en letid. Apre diskit sa bann kestyon revizyon dan Nou Minister Rwayonm Zen 2002.
4. Ki metod lansennyman en zenn Temwen i kapab servi kot lekol?
4 Zenn, zot kapab koz avek zot ansennyan si i posib pour montre zot laklas sa de video La fermeté des Témoins de Jéhovah face à la persécution nazie oubyen Fidèles dans les épreuves—Les Témoins de Jéhovah en Union soviétique. Demande pour prepar en papye kestyon e adapte ou bann kestyon baze lo sa bann dan Nou Minister Rwayonm Zen 2001 oubyen Fevriye 2003.
5. Ki paran i annan dan zot dispozisyon pour servi dan letid fanmiy?
5 Avek Fanmiy ek Zanmi: Paran, mazinen ki kantite ou zanfan in grandi depi ler sa video Les jeunes s’interrogent. . . Comment se faire de vrais amis? ti sorti. Akoz zot pa get li ankor dan prosenn letid fanmiy? Nou Minister Rwayonm Avril 2002 i annan bann kestyon pour fer en bon diskisyon.
6. Ki mannyer ou kapab pas en bon moman avek ou bann zanmi?
6 Eski ou anvi envit ou bann zanmi dan kongregasyon kot ou? Ler zot get sa video Respectons l’autorité de Jéhovah ansanm, sa pou fer zot pas en bon sware sirtou si apre zot revwar leson ki zot in aprann par servi bann kestyon dan Nou Minister Rwayonm Septanm 2004.
7. Dan ki lezot fason ou kapab servi bann video?
7 Lezot Loportinite: Dan ki lezot fason ou kapab byen servi nou 20 diferan video? Si ou montre enn oubyen de sa bann video en dimoun ki ou vizite regilyerman, pa sa pou ed li progrese spirityelman? Eski zot kapab fer en bon lefe lo ou bann fanmiy ki pa Temwen, vwazen, ek koleg travay? Nou bann video i bann led vizyel ki tre enpresyonan, edikatif e efikas. Servi zot pour ansenny lezot.