En Video ki demann get avek bokou Latansyon
“Sa video i vreman fer ou reflesir!”
“I ti tous mwan!”
“Mon ti vreman emosyonnel!”
1 Eski ou ti santi koumsa apre ki ou ti’n get sa video Young People Ask—How Can I Make Real Friends? pour premye fwa? Detrwa lannen pase, en zenn frer ti pe pas atraver en moman difisil dan son lavi, zis akoz kalite zanmi ki i ti’n swazir. Zot ti fer li nepli enterese avek laverite e i ti perdi son relasyon avek Zeova. Pa bokou letan apre, sa video Real Friends ti sorti. I ti ekrir: “Sak fwa mon ti get sa video, larm ti koule dan mon lizye. Mon remersye Zeova pour sa led ki’n vin zis atan.” Sa video ti motiv li pour fer sanzman dan son lavi e fer bann bon zanmi. I ti refer avek editer sa video an dizan: “I kler ki zot toultan konsyan kwa ki pe afekte bann zenn ozordi.” Paran akoz ou pa get sa video ankor enn fwa ansanm avek ou zanfan dan ou prosen letid fanmiy? Apre sak seksyon dan sa video, pez poz e diskit ansanm ouvertman e onnetman sa bann kestyon swivan.
2 Lentrodiksyon: Ki savedir en vre zanmi?—Prov. 18:24.
3 Lobstak pour fer Zanmi: Ki mannyer ou kapab sirmont sa santiman ki personn pa enterese avek ou? (Fili. 2:4) Akoz ou devret anvi amelyor ou personnalite, e lekel ki kapab ed ou fer sa? Ki loportinite ou annan pour fer plis zanmi, e kote ou kapab trouv sa bann zanmi?—2 Kor. 6:13.
4 Lanmitye avek Bondye: Konman ou kapab vin pli pros avek Zeova, e akoz i vo lapenn fer zefor pour vin pros avek Zeova? (Ps. 34:8) Lekel ki pli kapab fortifye ou relasyon avek Bondye?
5 Bann move Zanmi: Ki savedir move frekantasyon? (1 Kor. 15:33) Konman bann move zanmi i kapab fer en dimoun perdi son spirityalite? Ki sa resi lo Dina i ansenny ou?—Zen. 34:1, 2, 7, 19.
6 En Zistwar dan nou Letan: Ki mannyer lasolitid ti afekte Tara? Ki lekskiz i ti donnen pour zistifye son lasosyasyon avek bann zenn dan lemonn? Ki sitiasyon danzere son bann zanmi ti met li ladan? Akoz son paran pa ti vwar danze ki Tara ti ladan, me konman zot ti ed li pour repran spirityelman? Konman en ser pionye ti montre ki i ti en vre zanmi pour Tara? Akoz bann Kretyen i devret ekout sa ki Proverb 13:20 ek Zeremi 17:9 i dir? Ki leson enportan Tara ti aprann?
7 Konklizyon: Ki leson ou’n tire dan sa video? Ki mannyer ou kapab servi sa video pour ed lezot?—Ps. 71:17.