Zot in vreman apresye!
1 Bann fanmiy Kretyen dan diferan pei in eksprim zot lapresyasyon pour sa video Young People Ask—How Can I Make Real Friends? En papa ki reste Letazini ti dir ki apre ki zot ti’n fini get sa video son bann garson ti asiz trankil—sa video ti fer sans pour zot! En rapor sorti Malawi i dir ki bann zenn frer ek ser ti vwar sa video adapte avek zot akoz zot eksperyans menm presyon avek zot kanmarad lekol. An Lalmanny, en papa ti dir konsernan sa video: “Mon vwar li konman en larepons pour mon lapriyer.” En zenn ti dir: “Mersi pour rapel mwan ki mon enportan dan lizye Zeova.” En ansyen an Nouvel Zelann ti raporte: “I’n ed enn nou adolesan retourn lo semen lavi.” En madanm marye ti get sa video e ti dir: “Nou swete ki tou zenn dimoun dan laverite pou get sa video e ganny motive pour vreman pran laverite aker!” Bann fanmiy, akoz zot pa get sa video ankor? Apre, diskit sa bann kestyon swivan ansanm.
2 Lentrodiksyon: Ki savedir en bon zanmi?—Prov. 18:24.
3 Bann Baryer pour Lanmitye: Konman ou kapab sirmont sa santiman ki lezot pe rezet ou? (Fili. 2:4) Akoz ou devret pare pour amelyor ou personnalite, e lekel ki kapab ed ou pour fer sa? Kwa ki pou kree bann loportinite pour fer plis zanmi, e kote zot kapab ganny trouve?—2 Kor. 6:13.
4 Lanmitye avek Bondye: Konman ou kapab devlop en lanmitye avek Zeova, e akoz i vo lapenn fer sa zefor? (Pson. 34:8) Lekel ki kapab pli byen fortifye ou lanmitye avek Bondye?
5 Move Zanmi: Lekel ki nou konsider konman move frekantasyon? (1 Kor. 15:33) Konman ki bann move zanmi i kapab gat spirityalite en dimoun? Ki sa resi Labib lo Dina i ansenny ou?—Zen. 34:1, 2, 7, 19.
6 En Dram modern: Vi ki Tara ti santi li tousel, konman sa ti afekte li? Konman ki i ti zistifye son frekantasyon avek bann zenn dan lemonn? Ki kalite danze zot ti ekspoz li avek? Akoz son paran pa ti arive vwar sa danze ki i ti ladan, me avek ki kalite latitid zot ti ed li pour rekipere spirityelman? Konman ki en ser pionye ti demontre ki i en vre zanmi pour Tara? Akoz bann Kretyen i bezwen swiv konsey dan Proverb 13:20 ek Zeremi 17:9? Ki leson enportan ki Tara ti aprann?
7 Konklizyon: Ki leson ou’n aprann atraver sa video? Konman ou kapab servi li pour ed lezot?—Pson. 71:17.