Tous Leker ou Etidyan
1 Avan ki i ti mont dan lesyel, Zezi ti demann son bann disip pour ansenny lezot pour “obei” tou sa ki i’n komande. (Mat. 28:19, 20) Pour en dimoun “obei” komannman Zezi, fodre ki sa lenformasyon i tous son leker. (Ps. 119:112) Konman ou pou kapab tous leker en dimoun ki ou pe fer letid Labib avek?
2 Priy pour Direksyon Zeova: Fer disip i travay Bondye. Son benediksyon, non pa nou abilite, ki neseser pour reisi. (Akt 16:14; 1 Kor. 3:7) Donk, i esansyel pour priy pour led Zeova dan ansenny laverite avek lezot.—Iza. 50:4.
3 Rekonnet Krwayans sa Etidyan: Konnen ki dimoun i krwar e akoz zot krwar sa i kapab ed nou konnen ki nou pour dir afen pour tous zot leker. Akoz ki en etidyan i vwar en serten lansennyman enteresan? Kwa ki konvenk li ki sa lansennyman i vre? En tel konnesans i kapab ed nou pour koz avek disernman.—Akt 17:22, 23.
4 Fer en Largiman lozik e Biblik: Laverite i bezwen fer sans pour sa etidyan. (Akt 17:24-31) Nou devret nobou donn en rezon solid pour nou lesperans. (1 Pyer 3:15) Sepandan, annou toultan fer sa dan en mannyer zantiy e avek pasyans.
5 Apiy nou Lansennyman avek bann Ilistrasyon: Bann ilistrasyon pa zis fer li pli fasil pour sa etidyan konpran me i osi ensit son lemosyon. Bann ilistrasyon i enfliyans lespri ek leker. Zezi ti servi zot souvan. (Mark 4:33, 34) Byensir, pour fer li vin pli efektif, sa ilistrasyon ki ganny servi i merit an akor avek sa pwen ki pe ganny diskite, e i devret relye avek lavi sa etidyan.
6 Montre Benefis ki nou gannyen kan nou aksepte Laverite: Bann dimoun i oule konn bann benefis dan aplik sa ki zot pe aprann. Ed ou etidyan pour vwar lasazes dan parol Pol ki trouve dan 2 Timote 3:14-17.
7 Pa bezwen dekouraze si serten pa byen reazir avek ou lansennyman. Pa tou leker ki sansib. (Mat. 13:15) Kantmenm sa, serten endividi i vin krwayan. (Akt 17:32-34) Fotespere ki ou zefor pour tous leker bann dimoun avek laverite i ed bokou pour aksepte e “obei” sa ki Zezi in komande.