Kontinyen benefisye avek Latour Veyer ek Réveillez-vous!
Vi ki aprezan labonnman ordiner par lapos pour Latour Veyer ek Réveillez-vous! pe al arete, nou bezwen fer zefor pour fer sir ki nou menm, ek bann ki nou pres avek pa mank ni menm en kopi dan sak nimero. Sa bann lenstriksyon pa konsern bann labonnman par avyon kot dimoun i kontribye pour bann depans.
Kopi personnel: Ler ou labonnman personnel i fini, ogmant lakantite magazin ki ou pran dan kongregasyon. Bann paran i devret demann dekwa magazin afen ki sak manm fanmiy i annan son prop kopi. Ekrir ou non lo ou kopi personnel afen ki ou pa plas li par lerer dan predikasyon. Ler bann magazin i arive, bann frer ki okip magazin pou fer sir ki bann frer ek ser i ganny zot magazin toudswit.
Distribisyon Magazin: Bann proklanmater i devret esey etabli en distribisyon magazin avek tou dimoun ki enterese pour resevwar sak nimero. Par anmenn bann magazin personnelman pour bann dimoun koumsa, pou donn ou loportinite pour devlop lentere sa dimoun e pour konmans letid Labib.—Vwar Nou Minister Rwayonm, Oktob 1998, paz 8.
Bann avek Bezwen spesyal: Si en dimoun i montre lentere senser me i reste dan en teritwar ki pa pour okenn kongregasyon, en leksepsyon i kapab ganny fer pour permet li resevwar magazin par labonnman. Si en dimoun ki reste dan teritwar kongregasyon pa kapab ganny magazin par en distribisyon me i senserman enterese pour resevwar magazin, diskit sa ka avek Komite Servis Kongregasyon. Si zot dakor, en labonnman i kapab ganny fer pour sa dimoun enterese. Form labonnman standar (M-1 ek M-101) i kapab ganny servi.
Nou kapab annan konfyans ki Zeova pou kontinyen beni tou nou zefor pour anons sa Rwayonm par mwayen Latour Veyer ek Réveillez-vous!