Ki pour dir lo bann Magazin

Latour Veyer 1 Sept.

“Eski ou’n remarke ki dan bokou landrwa bann vwazen pa konn kanmarad parey avan? [Les sa dimoun reponn.] Zezi ti sit en prensip enportan pou kapab vin en bon vwazen. [Lir Matye 7:12.] Sa bann lartik i montre konman nou kapab vin bann bon vwazen e ankouraz lezot pour fer parey.”

Awake! 8 Sept.

“Ozordi, bokou dimoun pa asire ki pou arive avek zot lavi dan lavenir. [Lir Eklezyast 9:11.] Kote nou kapab trouv bann gidans ki nou kapab depan lo la? [Les sa dimoun reponn.] Serten i al vwar bann dimoun ki servi nimero pour konnen ki pou arive avek zot lavi. Eski sa i mwayen ki ou desten i kapab ganny revele? Kote ou kapab trouv bon lenformasyon konsernan lavenir? Sa magazin i fourni bann larepons.”

The Watchtower 15 Sept.

“Plizyer milyon dimoun i krwar ki bann ‘sen’ i annan en pouvwar spesyal e ki i bon pour priy avek zot. Ki ou panse? [Les sa dimoun reponn.] Remarke ki Zezi ti dir. [Lir Zan 14:6.] Sa i fer serten dimoun demann zot lekor kestyon konsernan priy avek bann ‘sen.’ Sa magazin i diskit sa size enportan.”

Awake! 22 Sept.

“Bokou dimoun ozordi i enkyet akoz terorism, enkli servi bann zarm tre danzere. Eski ou krwar ki bann gouvernman imen i kapab elimin terorism dan sa lemonn? [Les sa dimoun reponn.] Labib i montre nou ki Bondye i anvizaze fer. [Lir Ezekyel 34:28.] Sa magazin i egzamin serten pwen ki sa i enplike.”