Ki pour dir lo bann Magazin

Latour Veyer 1 Sep.

“Bokou dimoun i panse ki sa kantite larelizyon ki egziste i senpleman diferan semen ki anmenn ver menm destinasyon. Lezot i krwar ki i annan zis en sel vre larelizyon. Eski ou’n deza mazin lo 1a? [Les sa dimoun reponn.] Sa magazin i egzamin en ansyen parabol ki eklersi sa kestyon.” Fer resorti Matye 13:24-30.

Awake! 8 Sep.

“Lanmod i annan en gran lenfliyans dan lavi bokou dimoun ozordi. Serten dimoun i santi ki tro bokou lanfaz i ganny mete lo sa ki dimoun i mete e lo zot laparans. Ki ou panse? [Les sa dimoun reponn.] Sa magazin i prezant en pwennvi rezonnab lo lanmod.” Lir Kolosyen 3:12.

Latour Veyer 1 Okt.

“Dan sa lemonn ki nou pe viv ozordi, serten dimoun i santi ki zot in pri dan en maryaz kot napa lanmour. Kote bann dimoun koumsa i kapab ale pour ganny led? [Les sa dimoun reponn.] Labib i asir nou ki bann prensip Bondye i kapab ed nou. [Lir Izai 48:17, 18.] Sa magazin i egzamin bann prensip Labib ki kapab fer en maryaz vin pli for.”

Awake! 22 Sep.

“Nou sirprann avek abilite ki bann zannimo i annan pour kominike. Me eski ou konnen ki dan serten laspe bann imen i inik? [Les sa dimoun reponn. Apre lir Psonm 65:2.] Kontrerman avek bann zannimo, nou anvi kominik avek Bondye. Sa magazin i diskite konman nou kapab rezwir bon kominikasyon avek dimoun e osi avek Bondye.”