Benefisye en Kantite avek Lasanble Distrik “Bann Proklanmater Rwayonm devoue”
1 En Progranm ankourazan: Sa progranm lasanble distrik ki nou’n fek gannyen, ti vreman ankourazan. Nou ti rasanble pour en menm rezon, sa se pour vin pli byen ekipe pour proklanm Rwayonm Bondye avek devouman. Eski ou rapel konman ki sa premye orater ti dekrir sa mo “proklanm”? Eski ou rapel ki resers nou ti ganny ankouraze pour fer dan sa diskour “Pa bezwen per, Zeova i avek nou”? Ziska prezan, ki leksperyans ou’n reflesi lo la?
2 Sa diskour an trwa parti “Kalite nou Lafwa i ganny teste par plizyer Leprev” ti donn trwa rezon akoz Zeova i permet persekisyon. Eski ou kapab nonm zot? Ki rezon biblik nou annan pour pa mel dan zafer sa lemonn? Ki nou ti ganny ankouraze pour fer pour prepar nou pour bann problenm ki kapab arive akoz nou pozisyon? Ki mannyer andir fidelman bann leprev i anmenn loner pour Zeova?
3 Ki senn dan sa dram “Reste ferm dan Letan difisil!” ki’n fortifye ou plis? Ki mannyer nou kapab vin parey Zeremi?
4 Ki bann sanzman enportan ki pe al arive e ki anmenn ziska zour efreyan Bondye, ki sa diskour piblik “La scène de ce monde est en train de changer” ti dekrir? Pandan ki ou ti pe ekout diskour final, “Abound in Fine Works as Zealous Kingdom Proclaimers,” ki mannyer ou ti relye sa lenformasyon avek ou minister?
5 Bann Pwen prensipal pour aplike: Parey ti ganny eksplike dan sa diskour “Montre ou rekonesan,” ki mannyer nou kapab montre nou vreman rekonesan pour Zeova? Devouman lekel nou ti ganny ankouraze pour imite dan diskour tenm “Annou anons Rwayonm Bondye avek Devouman”? Ki egzaminasyon nou ti ganny demande pour fer lo nou menm?
6 Dapre sa diskour an trwa parti “Profesi Mika i fortifye nou pour mars onon Zeova,” ki sa trwa keksoz ki Zeova i ekspekte avek nou pour nou kapab resevwar son faver? Eski i posib pour nou fer sa trwa keksoz? (Mik. 6:8) Dapre sa diskour “Demeurez purs en préservant votre coeur,” dan ki fason nou devret reste pir moralman? Dan ki laspe sa diskour “Gardons-nous de la tromperie” ti averti nou pour pa les nou ganny tronpe e pa tronp lezot?
7 Ki bann konsey pratik dan sa diskour an trwa parti “Bann Proklanmater Rwayonm ki glorifye zot Minister” ki ou’n konmans aplike dan ou servis? Dan diskour “Konversasyon spirityel i batir,” Filipyen 4:8 ti ganny analize. Ki mannyer sa verse Labib i ed nou pour koz lo bann keksoz spirityel e kan ki nou devret fer li?
8 Diskour “Met Konfyans dan Zeova dan Letan difisil” ti diskit konman nou kapab fer fas avek bann trazedi, difikilte finansyel, move lasante, problenm fanmiy, ek bann defo ki persiste. Ki mannyer nou kapab montre konfyans dan Zeova ler nou pe fer fas avek sa bann sitiasyon?
9 Nouvo Trezor spirityel: Nou ti kontan pour resevwar sa nouvo liv Ador sa sel vre Bondye. Ki lefe sa lanons ki ti eksplik bi sa liv in fer lo ou? Akoz i pou itil dan nou travay fer disip konman en dezyenm liv letid?
10 Apre nou ti resevwar sa zoli liv Draw Close to Jehovah. Ki serten laspe spesyal sa liv? Ki desen ki ou’n apresye plis? Ler ou’n lir li, eski i’n anmenn ou pli pre avek Zeova? Lekel lezot dimoun ki kapab benefisye avek sa liv?
11 Isi Sesel nou’n osi resevwar de lezot zouti itil. Ti vreman en lazwa pour resevwar sa liv Benefisye atraver Ledikasyon Minister Teokratik an Kreol Seselwa! Nou esper avek enpasyans pour servi sa nouvo liv dan lekol konmansman Zanvye 2003. Antretan, nou kapab konmans lir li. Sa lot liv ki ti ganny lanse i Mon Liv Zistwar Labib. Paran, eski ou anvizaze servi sa zouti pour ansenny ou zanfan pandan ou letid Labib an fanmiy? Desanm, nou pou ofer sa liv e nou asire ki bokou dimoun pou osi anvi sa liv pour zot zanfan.
12 Sa Lasanble Distrik “Bann Proklanmater devoue” ti donn nou lankourazman spirityel ki nou bezwen pour fer fas avek sa letan difisil. Alor pour benefisye en kantite avek sa provizyon spirityel remarkab, annou fer tou nou zefor pour rapel sa ki ti ganny dir, apresye sa ki nou ti resevwar, e aplik sa ki nou’n aprann. (2 Pyer 3:14) An fezan sa, i pou fortifye nou pour mentenir nou fidelite e pour vin bann proklanmater Rwayonm devoue.—Fili. 1:9-11.