Kwen Kestyon
◼ Kan ki i apropriye pour form en group ki koz en lot langaz?
Ler teritwar en kongregasyon i enkli en popilasyon dimoun ki koz en lot langaz e i ase gran, bann ansyen i devret fer sa ki zot kapab pour organiz predikasyon dan sa langaz. (km 7/02 p. 1; km 2/98 p. 3-4) I kapab ki sa group dimoun ki koz en lot langaz i disperse dan bann teritwar ki ganny okipe par de oubyen plis kongregasyon. Dan en ka koumsa, sirveyan rezyonal pou fourni gidans neseser, ki pou kapab ed sa bann kongregasyon ki enplike pour travay ansanm dan predikasyon. Detanzaot, en diskour piblik oubyen Letid Latour Veyer i kapab ganny organize pour vwar ki kantite dimoun ki pou asiste bann renyon dan sa lot langaz.
En group ki kontyen bann dimoun ki koz en lot langaz i kapab ganny formen kan sa bann kondisyon swivan i egziste: (1) I annan bann proklanmater oubyen bann ki enterese ki pli byen konpran sa bon nouvel dan sa lot langaz. (2) En ansyen ouswa asistan ministeryel kalifye i disponib pour diriz e kondwir omwen en renyon par semenn. (3) En konsey ansyen i pare pour siport sa group. Kan sa bann kondisyon in ganny ranpli, bann ansyen i devret enform biro brans afen ki sa group i kapab ganny rekonnet formelman e lezot lenstriksyon i kapab ganny donnen.
Laplipar group i konmans avek Letid Liv Kongregasyon sak semenn. Plitar, bann ansyen i kapab dakor pour fer lezot renyon, tel parey Renyon Piblik ek Letid Latour Veyer. Ekspoze No. 2, 3, ek 4 dan Lekol Minister Teokratik i kapab ganny prezante dan en lasal segonder si en ansyen oubyen asistan ministeryel kalifye ki kapab koz sa langaz i kapab servi konman konseye. Me sa group pou zwenn avek zot kongregasyon pour diskour lenstriksyon, pwen biblik enteresan, ek Renyon Servis. Renyon pour predikasyon i osi kapab ganny organize pour sa group.
Tou dimoun dan sa group i travay kotakot anba sirveyans konsey bann ansyen. Bann ansyen i devret fourni bon gidans e montre linisyativ pour pran swen avek bezwen sa group. Ler sirveyan rezyonal i vizit sa kongregasyon ki pe siport sa group, i pou osi fer laranzman pour travay avek sa group dan predikasyon afen pour batir sa group spirityelman. Avek benediksyon Zeova, sa group ki koz en lot langaz pour kapab avek letan vin en kongregasyon.