Kwen Kestyon

◼ Konman en dimoun i kapab ganny bann kopi personnel magazin Réveillez-vous! ek Latour Veyer?

Vi ki labonnman pour bann edisyon Latour Veyer ek Réveillez-vous! lo kaset ouswa enprimen dan tou langaz pe arete, tou proklanmater i devret ganny zot magazin, kaset, ek CD MP3 atraver zot kongregasyon. Leksepsyon i pour bann magazin ek kaset an Bray ki ganny poste konman bann keksoz ki napa valer komersyal pour bann ki kalifye. Silvouple note ki bann kongregasyon i kapab rekomann bann magazin lo kaset ouswa CD MP3 lo en form Congregation Requests (M-202). Bann edisyon lezot langaz ek gran forma i devret osi ganny rekomande lo menm form.

Si en dimoun dan ou teritwar ti a kontan ganny magazin tou le mwan, fer sir ou toultan anmenn magazin pour ki i pa mank en nimero. Bann dimoun ekskli i kapab ganny magazin ouswa lezot piblikasyon kot kontwar piblikasyon dan Lasal Rwayonm. Bann dimoun ekskli pa devret ganny enkli lo lalis dimoun ki nou anmenn magazin tou le mwan.

Sel labonnman ki brans Moris pou garde se pour bann dimoun ki en proklanmater pa kapab anmenn magazin kot zot. Si Komite Servis Kongregasyon i anvoy en demann kot biro brans pour labonnman pour en dimoun ki pa kapab gannyen atraver kongregasyon, sekreter kongregasyon i devret enkli en not bref ki konfirmen ki sa labonnman in ganny egzaminen e aprouve par Komite Servis Kongregasyon.

Sa i vedir ki bann proklanmater pa devret ekrir biro brans pour fer en demann labonnman. Okenn demann pour labonnman ki bann proklanmater ouswa bann dimoun enterese i fer pou retourn kot kongregasyon.