Kwen Kestyon

◼ Ki pli bon fason pour fer kontribisyon pour benefisye bann frer ek ser dan lezot pei ki dan bezwen?

Parler, nou tann konsernan bann frer ek ser dan lezot pei ki dan bezwen materyel akoz persekisyon, dezas, ouswa lezot sitiasyon difisil. Serten frer ek ser in santi zot pouse pour anvoy larzan direkteman kot bann biro brans dan sa bann pei. Zot demande ki sa larzan i ganny servi pour ed serten dimoun, en kongregasyon partikilye, oubyen en proze konstriksyon ki zot konnen.—2 Kor. 8:1-4.

Menm si en tel lentere ranpli avek lanmour pour bann konpanyon Kretyen i ganny byen apresye, souvannfwa i annan bezwen ki pli irzan ki zot ti pe mazinen. Dan serten ka, sa ki zot oule ede in deza fini ganny pran swen avek. Byensir, nou kapab annan konfyans ki ler bann kontribisyon i ganny anvoye kot biro brans pour travay mondyal, Fon Lasal Rwayonm, oubyen led sekour, sa bann larzan pou ganny servi parey sa enn ki’n kontribye in demande.

Bann frer dan bann biro brans in ganny formen pour azir vitman anver bann bezwen ki ariv san ekspekte. Dan tou sa bann ka, biro brans i kit Konsey Direkter okouran. Si plis led i neseser, Konsey Direkter i kapab demann lezot biro brans pour ede oubyen biro prensipal i kapab anvoy larzan kot sa brans.—2 Kor. 8:14, 15.

Alor, tou kontribisyon ki pou al pour travay mondyal, proze konstriksyon dan lezot pei, oubyen led sekour i devret ganny anvoye kot biro brans dan pei kot ou reste, swa atraver kongregasyon oubyen direkteman. Dan sa fason, ‘lesklav fidel e pridan,’ atraver laranzman ki’n ganny etablir par Konsey Direkter, i pran swen avek bezwen lasosyasyon frer enternasyonal dan en fason annord.—Mat. 24:45-47; 1 Kor. 14:33, 40.