Watchtower BIBLIOTEK LO ENTERNET
Watchtower
BIBLIOTEK LO ENTERNET
Kreol Seselwa
  • LABIB
  • PIBLIKASYON
  • RENYON
  • km 12/06 p. 6
  • En Leta Lespri volonter i anmenn Benediksyon

Sa video pa disponib.

I annan en problenm avek sa video.

  • En Leta Lespri volonter i anmenn Benediksyon
  • Nou Minister Rwayonm—2006
  • Dokiman ki koz lo menm size
  • Partisip dan en proze konstriksyon
    Nou minister ek lavi Kretyen—Kaye renyon (2022)
  • Eski ou kapab donn ou letan ek lenerzi?
    Nou minister ek lavi Kretyen—Kaye renyon (2020)
  • Konstriksyon Lasal Rwayonm—En Laspe enportan Servis sakre
    Nou Minister Rwayonm—2006
  • Travay avek Zeova sak zour
    Latour Veyer pe anons Rwayonm Zeova (Letid)—2018
Vwar plis ankor
Nou Minister Rwayonm—2006
km 12/06 p. 6

En Leta Lespri volonter i anmenn Benediksyon

1. Ki mannyer David ek Neemya ti demontre en leta lespri volonter?

1 Kan Golyat ti provok fron batay Izrael, nenport ki solda ti kapab volonter pour lager avek li. Me zis en garson ki ti en berze, san okenn formasyon pour lager ki ti volonter. (1 Sam. 17:32) Ler bann egzile Zwif ki ti retourn Zerizalenm pa ti arive rebatir sa miray, se en serviter lerwa Pers ki ti kit son pozisyon privilezye dan pale lerwa pour vwayaz Zerizalenm pour organiz sa travay. (Nee. 2:5) Sa de zonm, David ek Neemya, ti ganny beni par Zeova pour leta lespri ki zot ti demontre.—1 Sam. 17:45, 50; Nee. 6:15, 16.

2. Akoz bann Kretyen i bezwen demontre en leta lespri volonter?

2 Ozordi, sa leta lespri volonter i rar dan sa lemonn. Dan sa bann “dernyen zour,” dimoun i annan en lavi vreman okipe, e en kantite i vin “egois.” (2 Tim. 3:1, 2) I fasil pour en dimoun les son bann keksoz personnel pran tou son letan. Sa i fer li mank bann loportinite pour volonterman rann servis lezot, kan zot bezwen led. Me konman bann Kretyen, nou anvi imit Zezi ki ti pran linisyativ pour ed lezot. (Zan 5:5-9; 13:12-15; 1 Pyer 2:21) Ki mannyer nou kapab demontre en leta lespri volonter, e ki benediksyon nou pou gannyen?

3. Ki mannyer en leta lespri volonter i kapab anmenn benefis pour renyon kongregasyon?

3 An Faver nou bann Frer: Nou kapab partaz en “kado spirityel” avek lezot par volonter pour fer komanter dan bann renyon kan lodyans i ganny demande pour partisipe. (Rom. 1:11) Nou bann komanter i onor Zeova, fer laverite ganny byen grave dan nou lespri ek leker, e fer nou apresye plis sa renyon. (Ps. 26:12) Nou kapab osi volonter pour fer en size dan Lekol Minister Teokratik pour ranplas en lot dimoun kan i annan en bezwen. Sa pou ed nou amelyor nou abilite pour ansennyen.

4. Ki lezot fason nou kapab demontre en leta lespri volonter?

4 Bann frer i kapab montre sa leta lespri volonter par aspir pour desarz bann responsabilite dan kongregasyon. (Iza. 32:2; 1 Tim. 3:1) Tou dimoun i kapab ede pour fer ki tou keksoz i mars byen dan bann diferan lasanble par volonter pour fer diferan travay ki zot ganny demande pour fer. Kan nou volonter pour travay avek sirveyan rezyonal dan predikasyon oubyen prepar manze pour li, sa i fer ki “nou kapab ansanm benefisye lankourazman” kanmarad. (Rom. 1:12) Kan nou ofer led bann orfelen, bann vev, bann malad ek andikape, bann manman avek pti zanfan, ek lezot dan kongregasyon, nou eksperyans lazwa ek faver Zeova.—Prov. 19:17; Akt 20:35.

5. Ki sitiasyon ki annan pour fer avek Lasal Rwayonm ki’n kree en bezwen pour volonter?

5 En lot fason nou kapab ofer nou letan ek zefor se ler nou partisipe pour netway e okip Lasal Rwayonm. Deplis, en kantite dimoun pe vin dan laverite, i annan en bezwen ki pe ogmante pour nouvo Lasal Rwayonm ek volonter pour konstri sa bann Lasal. En koup marye ti volonter pour zwenn avek Komite Konstriksyon Rezyonal menm si sa koup pa ti kalifye dan okenn domenn dan konstriksyon. Avek letan sa koup ti ganny en formasyon e aprezan zot ede pour poz bann blok. Sa ser ti dir: “Travay kotakot avek lezot in fer mwan ganny bann zanmi pros. Alafen lazournen nou ti fatige fizikman me santi nou pli for lo kote spirityel.”

6. Akoz predikasyon i sa travay volonter pli enportan ki nou kapab fer?

6 Par Prese: Sa travay volonter pli enportan ki nou kapab fer ozordi i sa predikasyon Rwayonm. Ler dimoun pe ganny ede pour konpran e aplik bann konsey Labib, zot ganny en bi dan lavi ek lafors pour sirmont bann move labitid. Zot aprann konsernan sa lespwar Labib pour lavenir ki redonn lafors. Par donn lenstriksyon Labib, nou pe akonpli en servis volonter ki rann nou zwaye e son benefis i dirab. (Zan 17:3; 1 Tim. 4:16) Petet nou sirkonstans i kapab permet nou pour annan en pli gran partisipasyon dan sa travay, par pran servis pionye asistan oubyen ordiner, par al la kot i annan en pli gran bezwen, ouswa par aprann en lot langaz.

7. Akoz en leta lespri volonter i sirtou enportan ozordi?

7 Lerwa David ti profetize ki ler Mesi pou konmans son renny, pep Bondye pou “ofer zot lekor volonterman.” (Ps. 110:3, not anba paz.) Zeova pe akseler sa dernyen rekolt spirityel, i annan bokou travay e sa i demann volonter. (Iza. 60:22) Eski ou’n dir: “La mon la! Anvoy mwan”? (Iza. 6:8) Sertennman, par demontre en leta lespri volonter, nou fer plezir Zeova e nou pou rekolte bokou benediksyon.

    Piblikasyon an Kreol Seselwa (2000-2026)
    Log out
    Log In
    • Kreol Seselwa
    • Share
    • Preferans
    • Copyright © 2025 Watch Tower Bible and Tract Society of Pennsylvania
    • Regilasyon lizaz
    • Lenformasyon personnel
    • Bann paramet konfidansyel
    • JW.ORG
    • Log In
    Share