Nou devret touzour devoue dan minister
1 Tou le-z-an depi 1992, avek bokou devouman bann Temwen Zeova in depans plis ki en bilyon erdtan dan sa travay pour pres lo Rwayonm e fer disip dan lemonn antye. Pa nou vreman ere lefet ki nou’n pran par dan sa lakonplisman merveye menm si pa bokou!—Mat. 28:19, 20.
2 Byensir, tou remersiman ek louanz i pour Zeova, sa enn ki’n soutenir nou dan nou minister pandan sa bann “letan difisil.” (2 Tim. 3:1) Ki nou bezwen fer si nou pou kontinyen pran par dan sa travay tre enportan avek devouman?
3 Rezon pour devoue: Nou profon lanmour pour Bondye ek nou prosen, e osi en dezir senser pour viv annakor avek nou dedikasyon, i motiv nou dan nou servis. (Mat. 22:37-39; 1 Zan 5:3) Lanmour i pous nou pour fer sakrifis ki pou permet nou partisip plennman dan sa travay predikasyon.—Lik 9:23.
4 Fer en kantite zefor pour reste devoue: Nou adverser Satan i fer tou sa ki i kapab pour fer nou perdi nou devouman dan nou minister. Dimoun ki pa enterese dan nou teritwar, bann distraksyon sa lemonn, presyon dan lavi tou le zour, e konsern lo nou prop lasante ki pe deteryore i zis detrwa keksoz ki i servi pour esey dekouraz nou.
5 Alors, nou devret travay dir pour reste devoue. I enportan pour nou kiltiv nou “premye lanmour.” Sa i enplik lir e medit lo Parol Bondye regilyerman, e byen profit tou bann provizyon spirityel ki “lesklav fidel e pridan” i fourni.—Rev. 2:4; Mat. 24:45, NW; Ps. 119:97.
6 Parey bann profesi Labib i klerman endike, zour Zeova kot i pou detrir bann move dimoun pe aprose byen vit. (2 Pyer 2:3; 3:10) Avek sa antet, annou travay dir pour ki nou reste devoue dan nou minister, par partisip plennman dan sa travay pour pres lo Rwayonm e fer disip ki pe deza ganny fer partou dan lemonn!