Eski ou pou imit devouman Zeova ek Zezi pandan sa sezon Memoryal?
1. Akoz Temwen Zeova i fer en zefor spesyal pandan sezon Memoryal?
1 Zeova i akonpli son plan avek devouman. Ler i ti pe refer avek bann benediksyon Rwayonm Bondye, Izai 9:7 i dir: “Avek devouman ki Zeova bann larme pou fer sa.” Pareyman, pandan son minister lo later, Garson Bondye ti demontre gran devouman pour vre ladorasyon. (Zan 2:13-17; 4:34) Sak lannen pandan sezon Memoryal, plizyer milyon proklanmater partou dan lemonn i fer en zefor spesyal pour imit devouman Zeova ek Zezi par ogmant zot aktivite dan predikasyon. Eski ou pou parmi zot ou osi?
2. Ki devouman pou pous nou pour fer konmansman le 7 Mars?
2 Kanpanny Memoryal: Kanpanny Memoryal sa lannen pou konmans Sanmdi le 7 Mars. Fer plan depi la konmela menm pour kapab partisip avek devouman dan predikasyon. Pou annan en gran leksitasyon dan kongregasyon anmezir ki zot partisip plennman pour kouver otan teritwar ki zot kapab. Fer bokou zefor pour envit ou etidyan Labib, retourn vizit, koleg travay, fanmir ek kanmarad lekol par donn zot en lenvitasyon oubyen par servi jw.org.
3. Ki mannyer nou pou kapab ogmant nou predikasyon pandan mwan Mars ek Avril?
3 Pionye asistan: Devouman pou osi ed nou pour ogmant nou predikasyon. San dout plizyer proklanmater pou kapab fer pionye asistan pandan mwan Mars ek Avril, vi ki nou pou annan sa opsyon pour swazir pour fer 30 erdtan. Pandan ou Ladorasyon Fanmir oubyen letid personnel, vwar konman ou kapab fer sa e priy lo la. (Prov. 15:22) Lantouzyasm ki ou demontre pour sa konpanny i kapab ankouraz lezot pour partisip avek devouman. Si ou aranz ou sirkonstans pour ki ou kapab fer plis, ou pou pe imit devouman Zezi.—Mark 6:31-34.
4. Ki rekonpans nou pou gannyen ler nou imit devouman Zeova ek Zezi?
4 Par imit devouman Zeova ek Zezi pandan sa sezon Memoryal, nou pou ganny bann bon rekonpans. Bokou plis dimoun dan teritwar pou ganny en temwannyaz. Nou pou eksperyans sa lazwa ek satisfaksyon ki nou gannyen kan nou servi Zeova e donnen anver lezot. (Akt 20:35) Pli enportan ankor, nou pou fer plezir nou Bondye ek son Garson ki devoue.