Fer sa sezon Memoryal en moman lazwa
1. Nonm en fason ki ou kapab pli zwaye pandan sezon memoryal.
1 Eski ou ti a kontan pli zwaye pandan mwan Mars, Avril, ek Me? En fason pour fer sa se fer plis dan predikasyon e si posib, fer pionye asistan. Ki mannyer sa pou fer ou pli zwaye?
2. Ki mannyer ler nou fer plis dan predikasyon i ogmant nou lazwa?
2 Ogmant ou lazwa: Zeova in kre nou avek sa kapasite pour eksperyans lazwa ek satisfaksyon ler nou ador li anmezir ki nou satisfer nou bezwen spirityel. (Mat. 5:3) I’n osi fer nou dan en fason ki nou kapab eksperyans lazwa ler nou donnen. (Akt 20:35) Predikasyon i ed nou fer tou le de, ador Bondye e ed lezot dimoun. Alor, i evidan ki ler nou ogmant lakantite letan ki nou pase dan predikasyon, sa i ogmant nou lazwa. Deplis, pli nou prese, pli nou vin kalifye pour anons Parol Bondye. Pli nou kalifye pli nou ganny plis konfidans e nou lafreyer i diminyen. Nou pou annan plis loportinite pour rann en temwannyaz e pour konmans bann letid Labib. Tou sa la i fer predikasyon vin pli gou.
3. Akoz Mars ek Avril pou sirtou bann bon mwan pour fer pionye asistan?
3 Mars ek Avril i sirtou bann bon mwan pour fer pionye asistan akoz nou kapab swazir pour fer 30 oubyen 50 erdtan. Deplis, apartir Sanmdi le 22 Mars ziska zour Memoryal Lendi le 14 Avril, nou pou partisip dan en kanpanny pour envit lezot pour asiste Memoryal. I pou annan gran leksitasyon dan bann kongregasyon vi ki en kantite pou travay “zepol kont zepol” pour kouver o maksimonm posib bann teritwar pandan sa letan.—Tsef. 3:9
4. Ki nou devret fer si nou anvi fer pionye asistan?
4 Prepar la konmela: Si ou pa ankor fer li, pran letan pour revwar ou progranm e fer azisteman pour ou kapab ogmant letan ki ou pase dan predikasyon pandan en mwan ou plis. Priy lo la. (Zak 1:5) Koz lo la avek ou fanmir ek lezot dan kongregasyon. (Prov. 15:22) Malgre problenm lasante oubyen en travay a plen tan, ou osi ou kapab eksperyans sa lazwa ki ou gannyen ler ou fer pionye asistan.
5. Si nou ogmant nou predikasyon pandan sezon Memoryal ki rezilta sa pou anmennen?
5 Zeova i anvi ki son bann serviter i zwaye. (Ps. 32:11) Ler nou esey nou mye pour ogmant nou predikasyon pandan sezon Memoryal, i pa pou zis fer nou pli zwaye me i pou osi fer plezir nou Papa dan lesyel.—Prov. 23:24; 27:11.