Sezon Memoryal i en loportinite pour fer plis dan predikasyon
1. Akoz nou devret mazin pour fer plis dan predikasyon pandan mwan Mars, Avril ek Me?
1 Eski ou kapab fer plis dan predikasyon pandan sa sezon Memoryal ki pe aprose? Serten proklanmater pou dan vakans lekol e bann ki travay i kapab pran konze pour fer plis dan predikasyon. Konmansman le 2 Avril, nou pou fer en kanpanny spesyal pour envit bann ki enterese pour asiste Memoryal avek nou le 17 Avril. Apre, nou pou fer zefor pour pourswiv lentere sa bann dimoun ki’n asiste e envit zot pour ekout en diskour spesyal ki pou ganny fer pandan semenn le 25 Avril. Sirman, nou annan bokou rezon pour mazin fer plis dan predikasyon pandan mwan Mars, Avril ek Me.
2. Ki mannyer nou kapab fer plis dan nou minister?
2 Pionye asistan: En tre bon fason pour fer plis se par fer pionye asistan. Vi ki nou tou nou okipe, nou bezwen plàn davans e aziste nou progranm kot i neseser. (Prov. 21:5) Petet ou kapab fer lezot keksoz ki ou abitye fer me ki pa sitan enportan plitar. (Fili. 1:9-11) Akoz ou pa koz lo sa dezir ki ou annan pour fer pionye avek lezot dan kongregasyon e vwar si zot pa ti ava kontan fer pionye ansanm avek ou?
3. Ki laranzman bann fanmir i kapab fer pour partisip plis dan predikasyon?
3 I ti ava byen pour diskit ou bann lobzektif an fanmir pandan prosen Ladorasyon an Fanmir. (Prov. 15:22) Petet serten manm lafanmir i kapab fer pionye asistan pour en mwan oubyen plis si zot tou zot korpere. Me si zot vwar ki zot pa pou kapab fer pionye? Kantmenm sa, sa fanmir pou kapab fer laranzman pour pres apre ler travay parfwa oubyen fer plis erdtan dan wikenn.
4. Ki benediksyon nou pou gannyen si nou fer plis dan nou minister pandan sa sezon Memoryal?
4 Zeova i pran kont tou sa ki nou fer pour servi li e i apresye nou bann sakrifis. (Ebr. 6:10) Kan nou donn Zeova ek lezot nou meyer, nou pou ganny plis lazwa. (1 Kron. 29:9; Akt 20:35) Eski ou pou kapab fer plis dan predikasyon pandan sa sezon Memoryal e ganny plis lazwa ek benediksyon ki vin avek?