Fer li ou lobzektif pour kondwir en letid Labib
1 “Lev lizye e get byen bann plantasyon, bann lagrenn in mir e in pare pour larekolt.” (Zan 4:35) Sa bann parol ki ti ganny dir par Zezi Kri i vreman aplik avek sitiasyon ki bann minis Kretyen i fer fas avek denozour.
2 Nou ankor pe zwenn bann dimoun senser ki annan sa dezir pour ganny ansennyen lo bann prensip Zeova. Sa i evidan atraver lakantite nouvo disip ki ganny batize sak lannen. Si ou anvi senserman kondwir en letid Labib, ki ou kapab fer?
3 Etablir en lobzektif: Premyerman, etablir en lobzektif pour konmans e kondwir en letid Labib regilyerman. Gard ou lobzektif antet ler ou dan predikasyon. Sa travay ki nou annan konman Kretyen i enkli prese e ansennyen, alors nou tou nou devret rod fason pour partisip plis dan sa travay pour fer letid Labib.—Mat. 24:14; 28:19, 20.
4 Lezot pwen pour gard antet: Lapriyer senser i vreman esansyel pour en proklanmater Rwayonm. Parler nou zwenn bann dimoun ki’n priye pour ganny led spirityel. Pa i vreman en benediksyon pour ganny servi par Zeova pour rod e ansenny bann tel dimoun!—Aga. 2:7; Akt 10:1, 2.
5 En ser ti priye pour li ganny en letid Labib e apre i ti met detrwa kopi sa trak Eski ou ti a kontan konn plis lo Labib? kot son travay dan en landrwa kot tou dimoun ti pou vwar. Kan en madanm ti pran enn sa trak, lir li antye e apre konmans ranpli sa koupon par deryer, sa ser ti koz avek li e i ti nobou konmans en letid Labib.
6 Bann proklanmater efikas ki fasilman konmans e kondwir bann letid Labib i kapab ed ou pour atenn ou lobzektif pour kondwir en letid Labib. Priy Bondye konsernan ou zefor pour ganny en letid Labib e byen servi sa led ki ou gannyen pour atenn ou lobzektif. Petet byento ou pou eksperyans sa lazwa ki ou gannyen ler ou kondwir en letid Labib.