Kondwir bann Letid Labib ki progrese
Premye Parti: Kisisa en Letid Labib?
1 I annan apepre sis milyon letid Labib ki ganny kondwir par pep Bondye atraver lemonn sak mwan. Par servi bann metod lansennyman ki efikas, nou kapab ed sa bann etidyan Labib pour progrese ziska dedikasyon ek batenm e pour “kapab zot osi ansenny lezot.” (2 Tim. 2:2) Eski ou ti a kontan ed ou etidyan fer en tel progre? Apartir sa nimero, Nou Minister Rwayonm pou enkli en seri lartik ki pou eksplik bann laspe debaz pour kondwir bann letid Labib ki progrese.
2 Kan pour raport en Letid Labib: Si ou servi bann piblikasyon pour fer bann diskisyon lo Labib regilyerman e dan en fason annord, menm si i bref, ou pe kondwir en letid Labib. Sa i leka menm si sa letid i ganny fer devan laport ouswa par telefonn. Sa letid i kapab ganny raporte ler i’n ganny fer de fwa apre ki ou’n fer laranzman letid e si i paret ki sa letid pou kontinyen.
3 Brosir Ekspekte ek liv Konnesans i bann piblikasyon ki ganny servi pour kondwir bokou letid Labib. Apre ki letid in konplete dan sa de piblikasyon, si sa dimoun pe fer progre, menm dousman, e i pe devlop lapresyasyon pour sa ki i pe aprann, alor letid i kapab kontinyen dan liv Ador Bondye. Brosir Ou Kapab Vin Zanmi Bondye! i kapab ganny servi pour fer letid avek bann dimoun ki napa bokou ledikasyon ouswa ki pa konn byen lir.
4 Sa travay etidye Labib avek dimoun i efikas pour ed plizyer milyon dimoun vin bann vre disip Zezi Kri. (Mat. 28:19, 20) Par aplik bann sizesyon ki pou ganny ofer dan bann prosenn lartik dan sa seri, ou pou kapab kondwir en letid Labib ki progrese.