Ki Labib i vreman dir?—Liv prensipal pour bann Letid Labib
1 Ti en gran lazwa pour nou resevwar sa liv Ki Labib i vreman dir? dan Lasanble “Lobeisans anver Bondye”! Bann ki ti asiste sa lasanble ti kontan pour ganny en kopi sa liv alafen progranm Sanmdi. Ki mannyer nou pou servi sa nouvo zouti pour ansenny lezot? I’n ganny fer prensipalman pour nou etidye Labib avek bann dimoun. Menm si sa liv pou ganny ofer mwan Mars pour premye fwa, bann proklanmater i ganny ankouraze pour konmans servi li toudswit pour konmans e kondwir bann letid Labib.
2 Letid Labib ki deza pe ganny fer: Bann proklanmater ki pe kondwir letid dan liv Konnesans oubyen dan brosir Ekspekte i devret annan bon zizman pour deside konman e kan pour konmans servi sa nouvo liv avek en etidyan. Si ou’n fek konmans en letid, ou kapab zis al dan sa nouvo liv. Si ou’n ariv en bon bout dan liv Konnesans, ou kapab kontiny letid dan liv Ki Labib i dir kot sa sapit ki pe diskit menm size. Si ou pres pour fini liv Konnesans, ou kapab kontinyen ziska ou fini.
3 Petet nou konn en kantite dimoun ki ti pou kapab benefisye avek en letid dan sa liv. Akoz ou pa ofer pour etidye Labib avek zot dan sa liv? Par egzanp, bann ki’n etidye brosir Ekspekte oubyen liv Konnesans me ki pa’n progrese ziska batenm petet ti pou kontan rekonmans zot letid dan sa nouvo liv. Paran i kapab anvi servi sa liv ler zot ansenny zot zanfan konnesans egzakt lo lavolonte Bondye.—Kol. 1:9, 10.
4 Etidye en dezyenm Liv: Eski i annan laranzman pour en etidyan Labib etidye en dezyenm liv apre ki i’n fini sa liv Ki Labib i vreman dir? Wi. Si sa etidyan pe fer progre, menm si i dousman e i pe devlop lapresyasyon pour sa ki i pe aprann, i kapab kontinyen etidye dan liv Ador sa sel vre Bondye. Nou asire ki sa liv Ki Labib i dir pou en bon zouti pour nou akonpli nou misyon pour ed bann dimoun vin disip Zezi.—Mat. 28:19, 20.