Kwen kestyon

◼ Eski tou le de paran i devret raport sa letan ki zot pase pour fer letid fanmir?

Menm si bann papa ki annan sa responsabilite prensipal pour enstrir zot zanfan e “elve zot dan en ledikasyon ek lenstriksyon Senyer,” tou le de paran i ede pour elve zot zanfan. (Efe. 6:4) Labib i ankouraz bann zanfan: “Mon Garson ekout disiplin ou papa e pa abandonn lalwa ou manman.” (Prov. 1:8) Letid Labib an fanmir i en laspe enportan dan rol ki paran i annan pour elve son zanfan.

Dan lepase zis sa paran ki ti kondwir letid fanmir avek zanfan ki pa ankor batize ki ti raport zot letan, menm si tou le de paran ti partisip dan sa letid. Me sa pe ganny aziste. Si pandan letid lafanmir tou le de paran i partisipe pour ansenny zot zanfan, zot tou le de zot kapab kont enn erdtan par semenn zis parey dan predikasyon. I vre, paran i souvan pran plis ki enn erdtan par semenn pour etidye avek son zanfan. Elve zanfan i enplik en kantite zefor delapar tou le de paran. (Det. 6:6-9) Parkont, rapor servis tou le mwan i devret pe met plis lanfaz lo sa ki pe ganny akonplir dan predikasyon. Alor, zis enn erdtan sak semenn ki devret ganny konte menm si sa letid i dir plis ki enn erdtan oubyen i ganny kondwir plis ki en fwa par semenn ouswa letid pour sak zanfan i separe. Zis en paran ki devret raport sa letid Labib ki ganny fer avek lafanmir e kont li konman zis en retourn vizit sak semenn ki sa letid i ganny fer.