Kwen Kestyon

◼ Eski en letid fanmiy i devret ganny raporte avek kongregasyon?

Si en paran Kretyen i kondwir en letid fanmiy e bann zanfan ki pa batize i enplike, sa paran i kapab raport en maksimonm enn er-d-tan sak semenn, en retourn vizit sak semenn, ek en letid Labib sak mwan. Sa i leka menm si sa letid i al plis ki enn er-d-tan, oubyen i ganny kondwir plis ki enn fwa par semenn, ouswa i ganny kondwir avek sak zanfan endividyelman.—Vwar liv Notre ministère, p. 104.

Si tou dimoun dan lafanmiy i bann Temwen batize, alor ni sa ler ek sa letid pa devret ganny raporte konman predikasyon (amwen ki en zanfan i ankor pe etidye sa dezyenm liv apre batenm). Sa i akoz rapor servis predikasyon pour kongregasyon i prensipalman reflekte sa ki pe ganny akonpli dan predikasyon sa bon nouvel ek lansennyman laverite Labib avek bann ki pa ankor dedye zot lavi e batize konman serviter Zeova. (Mat. 24:14; 28:19, 20) Me sa pa diminyen lenportans pour kondwir en letid fanmiy regilyerman.

I responsabilite bann paran Kretyen pour fer letid avek zot zanfan. Bann ki bezwen led pour etablir ouswa amelyor zot letid fanmiy i kapab demann led bann ansyen. Si serten sitiasyon i fer li neseser pour en lot proklanmater kondwir letid Labib avek en garson ouswa fiy ki pa batize dan en fanmiy Kretyen ki asosye avek kongregasyon, sirveyan prezidan ouswa sirveyan servis i devret ganny konsilte. Si sa letid i ganny aprouve, sa enn ki pe kondwir i kapab raport sa letid parey i ti pou raport okenn lezot letid Labib.

I enplik plis letan ek zefor pour edik zanfan bann prensip Zeova ki sa ki ganny mete lo en rapor predikasyon. (Det. 6:6-9; Prov. 22:6) Bann paran Kretyen i ganny felisite pour akonpli sa gro responsabilite ki zot annan pour elve zot zanfan “dan en ledikasyon ek lenstriksyon Senyer.”—Efe. 6:4.