Ki pour dir lo bann magazin

Watchtower 1 Zanvye

“Sak dimoun dan nenport ki pei zot ete, i annan diferan lopinyon lo Mari, manman Zezi. Me ou, ki ou panse? [Les sa dimoun reponn.] Labib i montre ki Mari ti annan en rol spesyal dan listwar limanite. [Lir Lik 1:30-32.] Sa magazin i montre ki nou kapab aprann atraver son legzanp.”

Awake! Zanvye

“En kantite lak ek larivyer dan bokou pei pe sek e plizyer milyon dimoun pa ganny delo prop pour zot bwar. Eski ou krwar ki imen pou kapab anmenn en solisyon enn fwa pour tou pour sa problenm? [Les sa dimoun reponn. Apre lir Zeremi 10:23.] Sa magazin i diskit sa pli meyer solisyon ki Labib i fer resorti.”

Watchtower 1 Fevriye

“Eski ou krwar ki Bondye i aksepte tou larelizyon? [Les sa dimoun reponn.] Remarke ki mannyer Zezi ti konsernen avek sa size. [Lir Matye 15:8, 9.] Sa lartik i montre si Bondye i aksepte tou kalite ladorasyon.” Montre sa lartik lo paz 9.

Awake! Fevriye

“Tou sa ki nou konnen lo later i montre ki later in ganny fer pour soutenir lavi. Eski ou krwar ki sa in zis arive par azar, oubyen ou krwar ki i montre ki i annan en Kreater? [Les sa dimoun reponn.] Bokou dimoun i dakor avek sa verse dan Labib. [Lir Psonm 104:24.] Sa magazin i montre dapre Labib e osi dapre lasyans ki i annan en Kreater.”