Ki pour dir lo bann magazin

Watchtower 1 Fevriye

“Eski ou panse ki Bondye i ekout tou lapriyer? [Les sa dimoun reponn.] Remark sa ki Zezi ti dir lo sa size. [Lir Matye 6:7.] Sa lartik enteresan i donn larepons sorti dan Labib pour kat kestyon ki dimoun i souvan demann zot lekor an rapor avek lapriyer.” Montre sa lartik ki konmans lo paz 16.

Awake! Fevriye

“Bokou dimoun i krwar ki tou sa ki arive dan lavi in fini ganny destinen. Ki ou panse? [Les sa dimoun reponn.] Dapre sa verse, nou annan en swa. [Lir Deterononm 30:19.] Sa lartik i fer resorti sa ki Labib i dir lo sa size.” Montre sa lartik ki konmans lo paz 12.

Watchtower 1 Mars

“Eski ou krwar ki tou keksoz ki arive dan lavi in ganny predir davans? [Les sa dimoun reponn.] Remark sa ki Labib i dir lo la. [Lir Eklezyast 9:11.] Sa magazin i eksplike ki menm si Bondye in predir davans en lavenir merveye pour limanite, i permet sakenn de nou pour swazir sa ki nou anvi fer dan lavi.”

Awake! Mars

“Bokou dimoun ozordi pe trakase akoz problenm larzan, spesyalman pandan sa bann letan difisil kot i annan kriz ekonomik. Eski ou dakor avek sa? [Les sa dimoun reponn.] Remark sa konsey byen rezonnab. [Lir 1 Timote 6:8, 10.] Sa magazin i fer resorti serten prensip Labib pour ed nou pour byen balans nou bidze, dan en fason ki nou kapab annan lape lespri.”