Ki pour dir lo bann magazin

Watchtower 1 Septanm

“Bokou dimoun i krwar ki sa resi dan Zenez lo Adan ek Ev, i zis en zistwar. Lezot i krwar ki Adan ek Ev ti vreman egziste. Ki ou panse? [Les sa dimoun reponn.] Remarke ki Zezi ti dir lo zot. [Lir Mark 10:6-9.] Sa lartik i diskit lo levidans ki egziste e i eksplike akoz sa ki nou krwar ladan i enportan.” Montre sa lartik ki konmans lo paz 12.

Awake! Septanm

Lir 1 Zan 4:8. Apre dir: “Serten i krwar ki Bondye i tourmant bann move dimoun dan lanfer. Lezot i santi ki sa lide pa an armoni avek sa ki nou fek lir dan sa verse. Ki ou panse? [Les sa dimoun reponn.] Sa lartik i montre ki Labib i dir lo sa size.” Montre sa lartik ki konmans lo paz 10.

Watchtower 1 Oktob

“Nou tou nou eksperyans bann difikilte dan lavi. [Fer resorti serten difikilte ki komen dan ou teritwar.] Eski ou krwar ki Bondye i kapab ed nou fer fas avek sa bann defi? [Les sa dimoun reponn.] Dan sa verse Zezi i idantifye en fason ki Bondye i kapab ed nou. [Lir Lik 11:13.] Sa magazin i eksplike ki si sa lespri sen e ki mannyer i kapab ed nou.”

Awake! Oktob

“Nou pa kapab evite ki problenm i leve dan fanmir. Kote ou krwar bann fanmir i kapab ale pour ganny bann konsey pratik, ki zot kapab depan lo la? [Les sa dimoun reponn. Apre lir Psonm 32:8.] Sa nimero spesyal Awake! i spesifikman fer resorti plizyer prensip Labib, bann fanmir pour benefisye kan zot aplik sa bann prensip.”