Pres sa bon nouvel san tarde!
1.Ki lankourazman Pol ti donnen ki nou bezwen pran aker ozordi?
1 “Anons Laparol, ensiste dan tou lokazyon ki prezante.” (2 Tim. 4:2) Akoz sa lankourazman ki Pol ti donnen i vreman enportan pour nou letan? Ki mannyer sa parol i kapab annan en lefe lo nou lavi e osi lo lavi lezot?
2.Akoz nou devret fer bokou zefor pour rod bann dimoun ki pa ankor tann sa bon nouvel?
2 Lavi dimoun i an danze: Plizyer milyon dimoun, partou dan lemonn, i bezwen tann sa mesaz ki kapab sov zot lavi. (Rom. 10:13-15; 1 Tim. 4:16) Nou zwenn bokou dimoun ki senser dan bann teritwar kot nou pres souvan. Si nou al pres kot zot lo en diferan zour oubyen pandan diferan ler dan lazournen, i kapab ki nou pou zwenn diferan dimoun kot lakaz. Si nou fer bokou zefor pour rod sa bann dimoun, sa pou fer nou ganny en konsyans kler e nou pa pou responsab zot disan.—Akt 20:26.
3.Ki mannyer nou kapab servi byen nou letan?
3 Malgre zot ti ganny opoze dan en fason kriyel, bann Kretyen dan premye syek ti “fann zot lansennyman dan Zerizalenm antye.” (Akt 5:28) Eski nou osi nou determinen pour ‘anons plennman’ sa bon nouvel? (Akt 10:42) Ler nou pe prese, eski nou servi byen nou letan? Si nou pe espere anmezir ki lezot pe fer en retourn vizit, eski nou pran linisyativ pour koz avek bann dimoun ki pe pase?
4.Ler nou pres sa bon nouvel san tarde, ki mannyer sa i kapab ed nou pour kontinyen veye?
4 Reste vizilan: Vi ki lafen sa lemonn i pros, nou bezwen reste vizilan e kontinyen veye. (1 Tesa. 5:1-6) Kan nou koz lo nou lespwar ki nou annan dan Rwayonm Bondye tou le zour, sa pou anpes nou ganny detournen par sa lemonn. (Lik 21:34-36) An retour sa pou pous nou pour partisip plis dan sa travay predikasyon pour sov lavi anmezir nou “pe esper” zour Zeova.—2 Pyer 3:11, 12.
5.Kan nou annan respe pour lavi, ki mannyer sa i kapab motiv nou dan predikasyon?
5 Kan nou pres sa bon nouvel san tarde, sa i montre ki nou annan menm pwennvi ki Zeova lo lavi: “I pa oule ki personn i ganny detri, me ki tou dimoun i arive repanti.” (2 Pyer 3:9; Ezek. 33:11) Annou reste determinen pour kontakte plis dimoun posib dan nou teritwar, e an retour sa pour rann glwar Zeova.—Ps. 109:30.