Eski ou’n pare pour sant pour Zeova dan renyon?
1 Prepare pour partisipe dan renyon i enkli sant bann kantik pour loue Zeova. Egzamin sa bann sizesyon.
2 Konpran parol bann kantik: Sa verse kle ek lezot verse ki ganny mansyonnen a lafen sak kantik i montre ki sa bann lide i sorti dan Labib.
3 Aprann sant zot: Pour nou vin familye avek sa bann kantik, pran en pe letan sak semenn dan Ladorasyon an Fanmir pour aprann sa bann nouvo kantik. Sante anmezir ki lanrezistreman mizikal bann kantik ki pou ganny servi pour sak renyon pe zwe. Petet si ou ekout disk 1 Sing to Jehovah—Vocal Renditions, sa pou permet ou aprann ler ek parol serten sa bann nouvo kantik.
4 Eski ou pou’n pare sa wikenn kan nou pou konmans servi nou nouvo liv pour Sant pour Zeova pandan letid Latour Veyer? Ou pou pare si ou pran letan pour konpran sa ki sa bann kantik pe dir e aprann sant zot.