Kwen kestyon

◼ Ki kantite letan ki nou devret etidye avek en etidyan Labib ki pe progrese?

I pli bon pour kontinyen etidye avek en etidyan Labib ki pe progrese ziska ki i fini sa de liv: Ki Labib i vreman dir? ek “Reste dan Lanmour Bondye.” Nou pou fer sa, menm si sa etidyan i batize avan ki i fini tou le de liv. Apre son batenm nou kapab kontinyen raport sa ler, sa retourn vizit ek letid Labib. Si en proklanmater i vin avek nou e partisipe dan letid, li osi i kapab raport son ler.​—Vwar Nou Minister Rwayonm Mars 2009 lo paz 2.

I enportan pour bann nouvo annan en bon fondasyon dan laverite avan ki nou aret etidye avek zot. Zot bezwen byen “anrasinen” dan Kris e “ferm dan lafwa” pour zot kapab sirmont bann leprev ki zot pou sirman rankontre. (Kol. 2:6, 7; 2 Tim. 3:12; 1 Pyer 5:8, 9) Deplis, pour ansenny lezot dan en fason efikas, zot bezwen “ganny konnesans laverite.” (1 Tim. 2:4) Par etidye sa de liv konpletman avek nou bann etidyan, nou pe ed zot pour kapab debout ferm lo sa semen ki “anmenn dan lavi.”​—Mat. 7:14.

Avan ki bann ansyen i aprouv en dimoun pour pran batenm, zot devret fer sir ki sa etidyan i byen konpran bann lansennyman de baz lo Labib e ki i pe viv son lavi an armoni avek sa bann lansennyman. Me, zot devret port plis atansyon lo bann etidyan ki pa ankor fini liv Ki Labib i dir. Si en dimoun pa ankor pare pour batenm, bann ansyen pou fer sir ki i ganny led personnel ki neseser pour ki i kalifye pour batenm dan lavenir.​—Vwar liv Organized to Do Jehovah’s Will lo paz 217-218.

[Ekstre lo paz 2]

I enportan pour bann nouvo annan en bon fondasyon dan laverite